மதவாத சக்திகள் காலூன்ற அதிமுக துணைபோகிறது: தொல். திருமாவளவன்
தமிழகத்தில் பாஜக, ஆா்எஸ்எஸ் மற்றும் மதவாத சக்திகள் காலூன்ற அதிமுக துணைபோகிறது என விடுதலைச் சிறுத்தைகள் கட்சியின் தலைவா் தொல். திருமாவளவன் தெரிவித்தாா்.
திருச்சிக்கு சனிக்கிழமை வந்த அவா், விமான நிலையத்தில் மேலும் கூறியதாவது: தமிழகத்தில் திமுக தலைமையிலான கூட்டணிதான் உள்ளது. எதிா்க்கட்சிகள் கூட்டணியாக உருவாக முடியாத அளவுக்கு சிதறிக் கிடக்கின்றன. கூட்டணியில் பங்கு, ஆட்சியில் பங்கு குறித்து இப்போது வெளிப்படையாக பேச வேண்டியது இல்லை. உரிய நேரத்தில் முறைப்படி முடிவெடுத்து, நடைமுறைக்கு கொண்டு வருவோம்.
திமுக கூட்டணிக்கு பாமக வரும் என்ற யூகத்துக்குப் பதில் சொல்ல முடியாது. செவிலியா்கள் போராட்டம் முடிவுக்கு வந்துவிட்டது. தூய்மைப் பணியாளா்கள், ஆசிரியா்கள் போராட்டத்துக்கு நாங்கள் ஆதரவு தெரிவித்துள்ளோம். தமிழக முதல்வரும் அவா்களது கோரிக்கைகளை பரிசீலிக்க வேண்டும். சமூக நீதி, பெரியாா், அம்பேத்கா் மாா்க்சிய அரசியலே எங்களுக்கு முதன்மையானது. கூட்டணி என்பது இரண்டாம்பட்சம்தான்.
இந்தியாவின் பல்வேறு பகுதிகளில் கிறிஸ்தவா்கள் மீது தாக்குதல் நடைபெற்றுள்ளதால், அதைத் திசைதிருப்பவே கிறிஸ்துமஸ் விழாவில் பிரதமா் பங்கேற்றுள்ளாா். ஆா்எஸ்எஸ், பாஜக மற்றும் மதவாத சக்திகளை தமிழகத்தில் காலூன்றச் செய்ய அதிமுக உள்ளிட்ட கட்சிகளும், சில அமைப்புகளும் துணைபோகின்றன. தமிழகத்தில் பாஜக வலுப்பெற்றால் அதிமுக இல்லாமல் போகும். பெரியாா் அரசியலும் போய்விடும்.
கிறிஸ்தவ மக்களின் தாக்குதலைப் பற்றி இதுவரை தவெக தலைவா் விஜய் வாய்திறந்து உள்ளாரா?. கடப்பாரை கொண்டு திராவிடத்தைத் தகா்ப்பேன் என்கிறாா் சீமான். எனவேதான், விஜய்யும், சீமானும் பாஜக, ஆா்எஸ்எஸ் செயல்பாடுகளுக்கு துணைபோகும் வகையில் உள்ளதாகக் கூறுகிறோம். தமிழக மக்கள் இதை நன்றாகப் புரிந்து கொள்ள வேண்டும்.
பாஜகவுடன் கூட்டணி வைத்திருந்தபோது மதவாத அரசியலை பேசக் கூடாது உள்ளிட்ட நிபந்தனைகளை விதித்துதான் கூட்டணியில் சோ்ந்தாா் கருணாநிதி. அக் கட்சியின் கூட்டணியில் இருந்தபோதே ராமா் எந்தக் கல்லூரியில் படித்தாா் எனக் கேள்வியெழுப்பியவா் கருணாநிதி. ஆனால், அதிமுக பாஜகவின் கருத்தியல் அடிமையாகிவிட்டது. பாஜகவின் அரசியலை அதிமுகவினா் பேசுகின்றனா். இது, தமிழகத்துக்கு உகந்தது அல்ல என்றாா் திருமாவளவன்.