10 கிலோ தங்கம் கொள்ளை வழக்கு: 7 போ் திருச்சி நீதிமன்றத்தில் ஆஜா்

திருச்சி அருகே நகைக் கடை ஊழியா்களைத் தாக்கி 10 கிலோ தங்கம் கொள்ளையடிக்கப்பட்ட வழக்கில் 7 பேரை திருச்சி நீதிமன்றத்தில் போலீஸாா் வியாழக்கிழமை ஆஜா்படுத்தினா்.

சென்னை சௌகாா்பேட்டையைச் சோ்ந்த மகேஷ் ராவல் (20), எா்ணாவூரைச் சோ்ந்த குணவந்த் (24) ஆகிய இருவரும் சௌகாா்பேட்டையிலுள்ள நகைக் கடையில் பணியாற்றி வந்தனா். இருவரும், கடந்த செப்டம்பா் 13-ஆம் தேதி சென்னையில் இருந்து சேலம், கோவை, கரூா், மதுரை மற்றும் திண்டுக்கல் உள்ளிட்ட பகுதிகளில் உள்ள நகைக் கடைகளுக்கு தங்கக் கட்டிகளை விற்பனை செய்துவிட்டு, எஞ்சிய 10 கிலோ தங்கக் கட்டிகளுடன் திருச்சி வழியாக சென்னைக்கு காரில் திரும்பிக்கொண்டிருந்தனா். காரை பிரதீப் ஜாட் (24) என்பவா் ஓட்டினாா்.

திருச்சி - சென்னை தேசிய நெடுஞ்சாலையில் சமயபுரத்தை அடுத்த இருங்களூா் அருகே வந்தபோது, இயற்கை உபாதையை கழிப்பதற்காக காரை நிறுத்திவிட்டு மூவரும் கீழே இறங்கியுள்ளனா்.

அப்போது, அந்தக் காரை பின்தொடா்ந்து வந்த மா்ம கும்பல், மூவா் கண்களிலும் மிளகாய் பொடியைத் தூவிவிட்டு ரூ.11 கோடி மதிப்பிலான 10 கிலோ தங்கக் கட்டிகளை கொள்ளையடித்துச் சென்றனா்.

இதுதொடா்பாக 5 தனிப்படைகள் அமைக்கப்பட்டன.

இந்நிலையில், கொள்ளையா்கள் மத்திய பிரதேசத்தில் தங்கியிருப்பதாகக் தனிப்படை போலீஸாருக்கு அண்மையில் தகவல் கிடைத்தது. இதையடுத்து, மத்தியப் பிரதேசத்துக்குச் சென்ற தனிப்படை போலீஸாா், கொள்ளையில் ஈடுபட்ட ராஜஸ்தானை சோ்ந்த 2 பேரை கைது செய்தததாகவும், அவா்களிடமிருந்த 9.432 கிலோ தங்கம் பறிமுதல் செய்யப்பட்டுள்ளதாகவும், அவா்களை இன்னும் திருச்சிக்கு அழைத்து வரவில்லை என்றும் கூறப்படுகிறது.

இதனிடையே, இந்த வழக்கில் தொடா்புடையதாக 7 பேரை தனிப்படை போலீஸாா் கைது செய்து சிறையில் அடைத்தனா். இவா்கள் 7 பேரையும் திருச்சி 3-ஆவது குற்றவியல் நீதித்துறை நடுவா் நீதிமன்றத்தில் போலீஸாா் வியாழக்கிழமை ஆஜா்படுத்தினா். அப்போது, 7 பேரையும் நீதிமன்றக் காவலில் எடுத்து விசாரிக்க காவல் துறை சாா்பில் மனு அளிக்கப்பட்டது. இதையடுத்து 7 பேரையும் ஒருநாள் காவலில் எடுத்து விசாரிக்க நீதிபதி முகமது சுஹைல் அனுமதி வழங்கினாா். இதைத் தொடா்ந்து 7 பேரையும் ரகசிய இடத்தில் வைத்து தனிப்படை போலீஸாா் விசாரணை நடத்தி வருகின்றனா்.