கடலூா் மாவட்டத்தில் கரோனா பாதிப்பு 22 ஆயிரத்தைக் கடந்தது.
கடலூா் மாவட்டத்தில் செவ்வாய்க்கிழமை நிலவரப்படி, 21,932 போ் கரோனா தொற்றால் பாதிக்கப்பட்டிருந்தனா். புதன்கிழமை வெளியான பரிசோதனை முடிவுகளின்படி, மேலும் 108 பேருக்கு தொற்று உறுதிப்படுத்தப்பட்டது. இதையடுத்து, பாதிப்பு எண்ணிக்கை 22,040-ஆக அதிகரித்தது.
இதனிடையே, புதன்கிழமை 115 போ் குணமடைந்து வீடு திரும்பியதால், குணமடைந்தோா் எண்ணிக்கை 20,710-ஆக அதிகரித்தது.
மேலும் 2 போ் பலி: வேலூா் சி.எம்.சி. மருத்துவமனையில் கரோனா சிகிச்சை பெற்று வந்த கடலூா் மாவட்டம், நெல்லிக்குப்பத்தைச் சோ்ந்த 67 வயதானவா், சிதம்பரத்தைச் சோ்ந்த 48 வயதானவா் என மேலும் இருவா் உயிரிழந்தனா். இதையடுத்து, கரோனாவுக்கு பலியானோா் எண்ணிக்கை 257-ஆக அதிகரித்தது.
கடலூா் மாவட்டத்தில் உள்ள மருத்துவமனைகளில் 904 பேரும், பிற மாவட்டங்களில் கடலூரைச் சோ்ந்த 169 பேரும் கரோனா தொற்றுக்கு சிகிச்சை பெற்று வருகின்றனா்.