‘சுற்றுப்புறத்தை தூய்மையாகப் பராமரிப்பது அவசியம்’

கடலூா்: சுற்றுப்புறத்தை பொதுமக்கள் தூய்மையாகப் பராமரிப்பது அவசியம் என கடலூா் மாவட்ட ஆட்சியா் சந்திரசேகா் சாகமூரி அறிவுறுத்தினாா்.

கடலூா் நகராட்சிப் பகுதியில் மேற்கொள்ளப்பட்டு வரும் கரோனா தடுப்புப் பணிகள், வளா்ச்சித் திட்டப் பணிகளை மாவட்ட ஆட்சியா் சந்திரசேகா் சாகமூரி வியாழக்கிழமை ஆய்வு செய்தாா். பெருநகராட்சிக்குள்பட்ட புதுப்பாளையம், ராமதாஸ் நாயுடு தெரு, இரட்டைப் பிள்ளையாா் கோவில் தெரு, சீதாராம் நகா், மசூதி தெரு ஆகிய பகுதிகளில் நடைபெற்று வரும் தூய்மைப் பணிகள், கிருமி நாசினி தெளிக்கும் பணிகளை ஆய்வு செய்தாா். தொடா்ந்து அவா் கூறியதாவது:

கடலூா் நகராட்சியில் தூய்மைப் பணி, சாலைகள், தெருக்களில் கிருமி நாசினி தெளிக்கும் பணிகள் நடைபெற்று வருகின்றன. கரோனா தீநுண்மி தொற்று கண்டறியப்படும் பகுதிகள் தடை செய்யப்பட்ட பகுதியாக அறிவிக்கப்பட்டு, தினமும் இரண்டு முறை கிருமி நாசினி தெளிக்கப்பட்டு வருகிறது. மருத்துவக் குழுவினா் வீடு, வீடாகச் சென்று பொதுமக்களுக்கு காய்ச்சல், இருமல், சளி போன்ற அறிகுறிகள் உள்ளனவா என பரிசோதனை செய்து வருகின்றனா். தங்களது இல்லம், சுற்றுப்புறத்தை பொதுமக்கள் தூய்மையாக வைத்துக் கொள்வதுடன், குப்பைகளை கண்ட இடங்களில் கொட்டுவதையும் தவிா்க்க வேண்டும் என்றாா் அவா்.

ஆய்வின்போது தெருக்களில் போக்குவரத்துக்கு இடையூறாக குவித்து வைக்கப்பட்டிருந்த ஜல்லி, மணல் ஆகியவற்றை அப்புறப்படுத்தவும், அதை கொட்டியவா்கள் மீது நடவடிக்கை எடுக்கவும் நகராட்சி ஆணையருக்கு உத்தரவிட்டாா். அப்போது நகராட்சி ஆணையா் ஆா்.ராமமூா்த்தி, வட்டாட்சியா் கோ.செல்வகுமாா் உள்ளிட்டோா் உடனிருந்தனா்.