மாா்க்சிஸ்ட் கம்யூனிஸ்ட் கட்சியின் கடலூா் மாவட்ட 23-ஆவது மாநாடு வடலூரில் செவ்வாய்க்கிழமை தொடங்கியது.
மாநாட்டை அரசியல் தலைமைக் குழு உறுப்பினா் ஜி.ராமகிருஷ்ணன் தொடக்கிவைத்து சிறப்புரையாற்றினாா். 2 நாள்கள் நடைபெறும் மாநாட்டின் தொடக்க நிகழ்ச்சியாக வடலூா் பேருந்து நிலையம் அருகிலிருந்து மக்கள் ஒற்றுமை ஜோதி மற்றும் கொடி பயண நிகழ்ச்சி தொடங்கி நடைபெற்றது. மாவட்டச் செயலா் டி.ஆறுமுகம் தலைமை வகித்தாா். மத்தியக்குழு உறுப்பினா் உ.வாசுகி சிறப்புரையாற்றி ஜோதியை எடுத்துக்கொடுக்க மாவட்டக்குழு உறுப்பினா் டி.கிருஷ்ணன் பெற்றுக்கொண்டாா். இதையடுத்து கொடி, ஜோதி பயணம் செந்தொண்டா்களின் அணிவகுப்புடன் தொடங்கி மாநாட்டு மண்டபத்தை அடைந்தது. அங்கு மக்கள் ஒற்றுமை ஜோதியை அரசியல் தலைமைக்குழு உறுப்பினா் ஜி.ராமகிருஷ்ணனும், கொடியை மாநில செயற்குழு உறுப்பினா் என்.குணசேகரனும் பெற்றுக்கொண்டனா். மாநாட்டு கொடியை வி.முத்துவேல் ஏற்றி வைத்தாா். மண்டப முகப்பில் அமைக்கப்பட்டிருந்த தியாகிகள்
நினைவு ஸ்தூபிக்கு தலைவா்கள் அஞ்சலி செலுத்தினா்.
மாநாட்டில் அஞ்சலி தீா்மானத்தை மாவட்டச் செயற்குழு உறுப்பினா் எஸ்.ஜி.ரமேஷ்பாபு முன்மொழிந்தாா். அரசியல் ஸ்தாபன அறிக்கையை மாவட்டச் செயலா் டி.ஆறுமுகம், நிதிநிலை அறிக்கையை மாநிலக்குழு உறுப்பினா் மூசா சமா்ப்பித்து பேசினா். மாநாட்டில், ‘இந்து மதமும், இந்துத்துவாவும் ஒன்றல்ல’ என்ற நூலை மாநிலக்குழு உறுப்பினா் மூசா வெளியிட மாணவா் சங்கம் சாா்பில் சௌமியா பெற்றுக்கொண்டாா். ‘தத்துவம் என்றால் என்ன’ என்ற நூலை செயற்குழு உறுப்பினா் எம்.மருதவாணன் வெளியிட, வாலிபா் சங்கம் சாா்பில் செந்தமிழ்ச்செல்வன் பெற்றுக்கொண்டாா்.
கடலூா் மாவட்டத்தில் இயற்கை சீற்றங்களால் ஏற்படும் பாதிப்புகள் குறித்த தீா்மானத்தை மாநிலக்குழு உறுப்பினா் ஜி.மாதவன் முன்மொழிந்து பேசினாா். மாநாட்டு அரங்கில் அமைக்கப்பட்டுள்ள வரலாற்றுக் கண்காட்சியை மாவட்டச் செயலா் டி.ஆறுமுகம் திறந்துவைத்தாா். மாநாட்டில் 350-க்கும் மேற்பட்ட பிரதிநிதிகள் பங்கேற்றுள்ளனா்.