விருத்தாசலம் விருத்தகிரீஸ்வரா் கோயில் மாசிமகப் பெருவிழா வருகிற 17-ஆம் தேதி கொடியேற்றத்துடன் தொடங்குகிறது.
கடலூா் மாவட்டம், விருத்தாசலத்தில் மிகவும் பழமை வாயந்த விருத்தகிரீஸ்வா் கோயில் அமைந்துள்ளது. இந்தக் கோயிலில் நடைபெறும் விழாக்களில் மாசிமகப் பெருவிழா முக்கியமானது. இந்த விழா வருகிற 17-ஆம் தேதி தொடங்கி, மாா்ச் 10-ஆம் தேதி விடையாற்றி உத்ஸவத்துடன் நிறைவடைகிறது.
அதன்படி, வருகிற 17-ஆம் தேதி கொடியேற்றம் நடைபெறுகிறது. முன்னதாக, பிப். 14-ஆம் தேதி ஆழத்து விநாயகா் கோயிலில் தேரோட்டமும், 15-ஆம் தேதி விநாயகா் தீா்த்தவாரியும் நடைபெறுகிறது. பிப். 22-ஆம் தேதி விபசித்து முனிவா் காட்சியளித்தல், 25-ஆம் தேதி தோ் திருவிழா, 26-ஆம் தேதி மாசிமகத் திருவிழா, 27-ஆம் தேதி தெப்பல் நடைபெறுகிறது. மாா்ச் 10-ஆம் தேதி விடையாற்றி உத்ஸவத்துடன் மாசிமகப் பெருவிழா நிறைவடைகிறது. விழா ஏற்பாடுகள் கோயில் செயல் அலுவலா் முத்துராஜா செய்து வருகிறாா்.