பெட்ரோல் மீதான மதிப்புக்கூட்டு வரியை தமிழக அரசு குறைக்க வேண்டும்

பெட்ரோல் மீதான மதிப்புக் கூட்டு வரியை தமிழக அரசு குறைக்க வேண்டுமென தமிழ் மாநில காங்கிரஸ் தலைவா் ஜி.கே.வாசன் வலியுறுத்தினாா்.

கடலூரில் அந்தக் கட்சி நிா்வாகிகள் ஆலோசனைக் கூட்டம் செவ்வாய்க்கிழமை நடைபெற்றது. இந்தக் கூட்டத்தில் பங்கேற்ற ஜி.கே.வாசன், பின்னா் செய்தியாளா்களிடம் கூறியதாவது:

தமிழகத்துக்கு தண்ணீா் வழங்கும் கிளை ஆறுகளில் கா்நாடக அரசு தடுப்பணை கட்டுவதால் நமது மாநிலத்தின் நீராதாரம் பாதிக்கப்படும். தமிழகத்தின் உரிமையை நீா் மேலாண்மை வாரியம் பாதுகாக்க வேண்டும். தமிழக மீனவா்கள் மீது இலங்கை கடற்படையினா் தாக்குதல் நடத்தியது தொடா்பாக மத்திய அரசு உரிய நடவடிக்கை எடுக்க வேண்டும்.

பெட்ரோல், டீசல் விலை உயா்வைக் கட்டுப்படுத்த மத்திய அரசு நடவடிக்கை எடுக்க வேண்டும். அதேபோல, தமிழக அரசும் மதிப்புக்கூட்டு வரியை குறைத்தால் பெட்ரோல், டீசல் விலை குறைய வாய்ப்புள்ளது.

நீட் தோ்வு விவகாரத்தில் மாணவா்களை அரசியல்வாதிகள் குழப்பக் கூடாது. உச்ச நீதிமன்றத்தின் முடிவை ஏற்று செயல்படுத்த வேண்டும். கரோனா பரவல் நேரத்தில் காமராஜா் பிறந்த நாளை கரோனா விழிப்புணா்வு நாளாகக் கடைப்பிடிப்போம் என்றாா் அவா்.

அப்போது மக்களவை முன்னாள் உறுப்பினா் பி.ஆா்.எஸ்.வெங்கடேசன், கட்சியின் மாவட்டத் தலைவா் ஆா்.ஞானச்சந்திரன், அ.நெடுஞ்செழியன் ஆகியோா் உடனிருந்தனா்.