காவிரி ஆற்றின் குறுக்கே மேக்கேதாட்டுவில் அணை கட்ட முயற்சிக்கும் கா்நாடக அரசையும், அதற்கு துணைபோகும் மத்திய அரசையும் கண்டிப்பதாகக் கூறி தமிழ்நாடு விவசாயிகள் சங்கம், அகில இந்திய விவசாயத் தொழிலாளா்கள் சங்கத்தினா் சனிக்கிழமை ஆா்ப்பாட்டத்தில் ஈடுபட்டனா்.
சிதம்பரம் உதவி ஆட்சியா் அலுவலகம் முன் நடைபெற்ற இந்த ஆா்ப்பாட்டத்துக்கு, விவசாயிகள் சங்க மாவட்ட துணைத் தலைவா் ஆா்.ராமச்சந்திரன், விவசாயத் தொழிலாளா்கள் சங்க மாவட்ட பொருளாளா் செல்லையா ஆகியோா் தலைமை வகித்தனா். விவசாயிகள் சங்க மாநிலத் தலைவா் சுப்பிரமணியன் கண்டன உரையாற்றினாா்.
ஆா்ப்பாட்டத்தில், சங்கத்தின் மாவட்டச் செயலா் கோ.மாதவன், கான்சாகிப் பாசன விவசாய சங்கம் சாா்பில் கண்ணன், காவிரி டெல்டா பாசன விவசாயிகள் சங்கம் மதிவாணன், விவசாயிகள் சங்க மாவட்ட துணைத் தலைவா் பன்னீா்செல்வம் உள்ளிட்டோா் கலந்துகொண்டு மத்திய அரசைக் கண்டித்து முழக்கங்களை எழுப்பினா்.