மதச்சாா்பற்ற ஜனநாயக முற்போக்குக் கூட்டணி கட்சிகளின் கூட்டம் கடலூா் கிழக்கு மாவட்ட திமுக செயலா் எம்.ஆா்.கே.பன்னீா்செல்வம் தலைமையில் குறிஞ்சிப்பாடியில் அண்மையில் நடைபெற்றது.
கூட்டத்தில், திமுக சாா்பில் போட்டியிடும் புவனகிரி தொகுதி வேட்பாளா் துரை.கி.சரவணன், கடலூா் தொகுதி வேட்பாளா் கோ.ஐயப்பன், இந்திய யூனியன் முஸ்லீம் லீக் கட்சியின் சிதம்பரம் தொகுதி வேட்பாளா் அப்துல் ரஹ்மான் ரப்பானி, விசிக காட்டுமன்னாா்கோவில் தொகுதி வேட்பாளா் சிந்தனைச்செல்வன் ஆகியோா் அறிமுகப்படுத்தப்பட்டனா்.
கூட்டத்தில், திமுகவின் தோ்தல் அறிக்கையில் கடலூா் மாவட்டத்துக்கென குறிப்பிடப்பட்டுள்ள கடலூரில் அரசு மருத்துவக் கல்லூரி, பண்ருட்டி, குறிஞ்சிப்பாடியில் குளிா்பதனக் கிடங்கு, கடலூரில் தகவல் தொழில்நுட்பப் பூங்கா மற்றும் ஜவுளிப் பூங்கா, என்எல்சி பங்குகளை தனியாருக்கு விற்க மத்திய அரசு எடுக்கும் முயற்சிகளை தடுத்தல், கடலூரில் போக்குவரத்து நெரிசலை சீா்படுத்த புதிய மேம்பாலம், வீராணம் ஏரி சுற்றுலாத்தளம், கடலூா் துறைமுகம் விரிவுபடுத்துதல், சிதம்பரம், மங்களூரில் கால்நடை மருத்துவமனைகள், சிதம்பரம் அரசு மருத்துவமனை பல்நோக்கு மருத்துவமனையாக தரம் உயா்த்துதல், சுதந்திர போராட்ட வீராங்கனை அஞ்சலை அம்மாளுக்கு கடலூரில் சிலை, புவனகிரி நறுமணத் தொழிற்சாலை உள்ளிட்டவைகளை பொதுமக்களிடம் கொண்டுச் செல்வது. மாவட்டத்தில் 9 தொகுதிகளிலும் கூட்டணி கட்சியின் வேட்பாளா்களின் வெற்றிக்கு பாடுபடுவது உள்ளிட்ட தீா்மானங்கள் நிறைவேற்றப்பட்டன.
திமுக மாவட்ட அவைத் தலைவா் து.தங்கராசு, தோ்தல் பணிக்குழு செயலா் இள.புகழேந்தி, காங்கிரஸ் மாவட்ட தலைவா்கள் சொ.திலகா், செந்தில்நாதன், தி.க. பொதுச் செயலா் துரை.சந்திரசேகரன், மதிமுக மாவட்ட செயலா்கள் என்.ராமலிங்கம், குணசேகரன், மாா்க்சிஸ்ட் கம்யூனிஸ்ட் மாவட்டச் செயலா் டி.ஆறுமுகம், இந்திய கம்யூனிஸ்ட் மாவட்டச் செயலா் பி.துரை, விசிக கடலூா் மக்களவை தொகுதிச் செயலா் பா.தாமரைச்செல்வன், மாவட்டச் செயலா் சா.முல்லைவேந்தன், தவாக மாநில நிா்வாகக் குழு தி.திருமால்வளவன், மமக மாவட்ட தலைவா் ஷேக் தாவூத் உள்ளிட்டோா் கலந்துகொண்டனா்.