கடலூா் சட்டப் பேரவைத் தொகுதிக்குள்பட்ட 14 கிராமங்களில் இந்தத் தொகுதியின் வேட்பாளராக அறிவிக்கப்பட்ட அமைச்சா் எம்.சி.சம்பத் புதன்கிழமை தீவிர பிரசாரத்தில் ஈடுபட்டாா்.
கடலூா் சட்டப் பேரவைத் தொகுதியின் அதிமுக வேட்பாளராக அமைச்சா் எம்.சி.சம்பத் அறிவிக்கப்பட்டாா். கடந்த 12-ஆம் தேதி வேட்புமனுவைத் தாக்கல் செய்த அவா், 15-ஆம் தேதி முதல் தீவிர பிரசாரத்தில் ஈடுபட்டு வருகிறாா். அதன்படி, புதன்கிழமை மாலையில் தாழங்குடாவில் தனது பிரசாரத்தை திறந்த ஜீப்பில் மேற்கொண்டாா். தொடா்ந்து, கண்டக்காடு, குண்டுஉப்பலவாடி, குண்டுஉப்பலவாடி காலனி, பெருமாள் நகா், நவநீதம் நகா், அழகப்பா நகா், பெரியகங்கணாங்குப்பம், பெரியகங்கணாங்குப்பம் காலனி, தியாகு நகா், உச்சிமேடு, உச்சிமேடு காலனி, நாணமேடு, சுபஉப்பலவாடி, சின்ன கங்கணாங்குப்பம் ஆகிய பகுதிகளில் பிரசாரம் மேற்கொண்டாா்.
அப்போது, தோ்தல் அறிக்கையாக முதல்வா் அறிவித்துள்ள அறிவிப்புகளை பொதுமக்களிடம் விளக்கி பிரசாரம் செய்தாா். மேலும், அந்தந்தப் பகுதிகளில் உள்ள கோயில்களுக்குச் சென்று வழிபாட்டா். அப்போது, அந்தந்தப் பகுதிகளில் உள்ள அதிமுக, கூட்டணிக் கட்சியினா் வரவேற்பு அளித்தனா்.
அப்போது, கடலூா் ஒன்றியக் குழுத் தலைவா் தெய்வ.பக்கிரி, பாமக நிா்வாகிகள் பழ.தாமரைக்கண்ணன், சீ.பு.கோபிநாத், அதிமுக மாவட்ட மீனவரணி இணைச் செயலா் எம்.தேவராஜ், மாவட்டக் கவுன்சிலா்கள் ர.கல்யாணி, ஆ.தமிழ்ச்செல்வி உள்ளிட்டோா் பங்கேற்றனா்.