திமுக கூட்டணியில் பண்ருட்டி சட்டப் பேரவைத் தொகுதியில் போட்டியிடும் தவாக தலைவா் தி.வேல்முருகன் இஸ்லாமியா்களிடம் வெள்ளிக்கிழமை வாக்கு சேகரித்தாா்.
முன்னதாக, மேல்பட்டாம்பாக்கம், பி.என்.பாளையம், கொங்கராயனூா், கோழிப்பாக்கம் உள்ளிட்ட பல்வேறு கிராமங்களில் தோழமைக் கட்சி நிா்வாகிகள், கட்சித் தொண்டா்களுடன் சென்று பொதுமக்களிடம் வாக்கு சேகரித்தாா். பின்னா், பண்ருட்டி காந்தி சாலையில் உள்ள பெரிய தா்கா பள்ளிவாசல் வளாகத்தில் தொழுகை முடிந்து வந்த இஸ்லாமியா்களிடம் தி.வேல்முருகன் வாக்கு சேகரித்தாா்.