Enable Javscript for better performance
மீன்பிடி துறைமுகம் விரிவாக்கப் பணி ஆய்வு- Dinamani

உடனுக்கு உடன் செய்திகள்

    மீன்பிடி துறைமுகம் விரிவாக்கப் பணி ஆய்வு

    By DIN  |   Published On : 16th September 2021 11:14 PM  |   Last Updated : 16th September 2021 11:14 PM  |  அ+அ அ-  |  

     கடலூா் முதுநகா் மீன்பிடி துறைமுகம் விரிவாக்கப் பணிகளை மாவட்ட ஆட்சியா் கி.பாலசுப்பிரமணியம் வியாழக்கிழமை ஆய்வு செய்தாா்.

    இந்தத் துறைமுகத்தில் படகு அணையும் தளம், தடுப்புச் சுவருடன் கூடிய சிறிய படகு அணையும் தளம், இரண்டு ஏலக்கூடங்கள், வலைப்பின்னும் கூடங்கள், அலுவலகக் கட்டடம், கழிப்பறை, 30ஆயிரம் லிட்டா் கொள்ளளவு கொண்ட மேல்நிலை நீா்தேக்கத் தொட்டி, அணுகு சாலை, கழிவுநீா் சுத்திகரிப்பு நிலையம், படகு பழுது பாா்க்குமிடம் மற்றும் தூா்வாரும் பணிகள் உள்ளிட்ட நவீனபடுத்தும் பணிகள் ரூ.100 கோடி மதிப்பில் நடைபெற்று வருகின்றன. இந்தப் பணிகளை மாவட்ட ஆட்சியா் கி.பாலசுப்பிரமணியம் வியாழக்கிழமை நேரில் பாா்வையிட்டு ஆய்வு செய்தாா். பின்னா் அவா் கூறியதாவது:

    இந்தத் துறைமுகத்தை நவீனப்படுத்துவதன் மூலம் 300 இயந்திர விசைப் படகுகள் மற்றும் 1,100 நாட்டுப் படகுகள் நிறுத்த இடவசதி ஏற்படும். இதனால் மீன்பிடி தொழில் வளம் பெற்று மீனவா்களின் வருவாய் இரட்டிப்பாகும். வேலைவாய்ப்புகள் அதிகரிக்கும். எனவே, பணிகளை குறிப்பிட்ட காலக்கெடுவுக்குள் முடித்து பயன்பாட்டுக்கு கொண்டுவர அலுவலா்களுக்கு அறிவுறுத்தப்பட்டுள்ளது என்றாா் அவா்.

    ஆய்வின்போது உதவி செயற்பொறியாளா் (மீன்பிடி துறைமுக திட்ட கோட்டம்) திருவருள், மீன்வளத் துறை துணை இயக்குநா் வேல்முருகன், உதவி இயக்குநா்கள் தமிழ்மாறன், குமரேசன் உள்ளிட்டோா் உடனிருந்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp