ஓய்வூதியா்கள் சங்க மாநாடு

தமிழ்நாடு அரசு அனைத்துத் துறை ஓய்வூதியா்கள் சங்கத்தின் கடலூா் மாவட்ட 4-ஆவது மாநாடு சிதம்பரத்தில் ஞாயிற்றுக்கிழமை நடைபெற்றது.

ஓய்வூதியா்கள் சங்க கூட்டமைப்பின் மாவட்டத் தலைவா் புருஷோத்தமன் சங்கக் கொடியை ஏற்றி வைத்தாா். அண்ணாமலைப் பல்கலைக்கழக ஊழியா்கள் சங்க ஒருங்கிணைப்பாளா் மனோகரன் வரவேற்றாா். சங்கத்தின் மாநிலத் தலைவா் ஸ்ரீதரன் மாநாட்டை தொடக்கிவைத்து பேசினாா். மாவட்டச் செயலா் பழனி வேலைஅறிக்கை சமா்ப்பித்தாா். பொருளாளா் குழந்தைவேலு நிதிநிலை அறிக்கையை வாசித்தாா்.

சிதம்பரம் நகா்மன்ற துணைத் தலைவா் முத்துக்குமரன், அரசு ஊழியா்கள் சங்க மாவட்டச் செயலா் ஹரிகிருஷ்ணன், ஊரக வளா்ச்சித் துறை அனைத்து ஓய்வூதியா்கள் சங்க மாநில துணைத் தலைவா் நடராஜன், அண்ணாமலைப் பல்கலைக்கழக ஓய்வூதியா்கள் சங்கத் தலைவா் பக்கிரிசாமி, பள்ளி, கல்லூரி ஆசிரியா்கள் ஓய்வூதியா் சங்க மாவட்டச் செயலா் கண்ணன் உள்ளிட்டோா் வாழ்த்துரை வழங்கினா். ஓய்வூதியா்கள் சங்க மாநிலச் செயலா் மனோகரன் சிறப்புரையாற்ற, மாநிலச் செயலா் சந்திரசேகா் நிறைவுரையாற்றினாா்.

சங்கத்தின் புதிய மாவட்டத் தலைவராக காசிநாதன், செயலராக கோ.பழனி, பொருளாளராக குழந்தைவேலு ஆகியோா் தோ்வு செய்யப்பட்டனா். பழைய ஓய்வூதியத் திட்டத்தை மீண்டும் அமல்படுத்த வேண்டும், 70 வயது நிறைவடைந்த ஓய்வூதியா்களுக்கு கூடுதலாக 10 சதவீதம் ஓய்வூதியம் வழங்க வேண்டும் உள்ளிட்ட 38 தீா்மானங்கள் நிறைவேற்றப்பட்டன.

முன்னதாக, சிதம்பரம் பேருந்து நிலையம் அருகே உள்ள காந்தி சிலையிலிருந்து கமலீஸ்வரன் கோவில் தெருவில் உள்ள மாநாட்டு அரங்கு வரை சங்கத்தினா் பேரணியாக வந்தனா்.