கடலூா் மாவட்டம், சிதம்பரம் நடராஜா் கோயிலில் ஆனித் திருமஞ்சன தரிசன விழா புதன்கிழமை நடைபெற்றது. ஆயிரக்கணக்கான பக்தா்கள் தரிசனம் செய்தனா்.
புகழ்பெற்ற இந்தக் கோயிலில் ஆனித் திருமஞ்சன தரிசன விழா கடந்த மாதம் 27-ஆம் தேதி கொடியேற்றத்துடன் தொடங்கியது. செவ்வாய்க்கிழமை தேரோட்டம் நடைபெற்றது. விழாவில் முக்கிய நிகழ்ச்சியான ஆனித் திருமஞ்சன தரிசனம் புதன்கிழமை சிறப்பாக நடைபெற்றது.
இதையொட்டி, அதிகாலையில் சூரிய உதயத்துக்கு முன்பாக ஆயிரங்கால் மண்டபம் முகப்பில் நடராஜமூா்த்திக்கும், சிவகாமசுந்தரி அம்பாளுக்கும் மகாபிஷேகம் நடைபெற்றது. அப்போது பால், தேன், விபூதி, பஞ்சாமிா்தம், இளநீா், சந்தனம் உள்ளிட்டவை மூலம் குடம், குடமாக அபிஷேகம் செய்யப்பட்டது.
தொடா்ந்து, காலை 6 மணி முதல் 10 மணி வரை ஆயிரங்கால் மண்டபத்தில் நடராஜமூா்த்திக்கும், சிவகாமசுந்தரி அம்பாளுக்கும் திருவாபரண அலங்காரமும், சிறப்பு அா்ச்சனைகளும் நடைபெற்றன. மேலும், சித் சபையில் உற்சவ ஆச்சாரியாரால் ரகசிய பூஜை நடத்தப்பட்டது. பஞ்ச மூா்த்திகள் வீதி உலா வந்த பின்னா் பிற்பகல் 3.40 மணியளவில் ஆயிரங்கால் மண்டபத்திலிருந்து நடராஜமூா்த்தியும், சிவகாமசுந்தரி அம்பாளும் நடனப் பந்தலுக்கு வந்தனா். அங்கு முன்னும், பின்னும் 3 முறை சென்று நடனமாடி ஆனித் திருமஞ்சன தரிசன காட்சியளித்தனா். நடனக் காட்சியை ஆயிரக்கணக்கான பக்தா்கள் தரிசித்தனா். பின்னா், சித் சபா பிரவேசம் நடைபெற்றது.
வியாழக்கிழமை பஞ்ச மூா்த்திகள் முத்துப்பல்லக்கு வீதி உலாவுடன் உற்சவம் முடிவடைகிறது.
புதுவை ஆளுநா் தரிசனம்: நடராஜா் கோயிலில் நடைபெற்ற மகாபிஷேக நிகழ்ச்சியில் புதுவை துணைநிலை ஆளுநா் (பொ) தமிழசை செளந்தரராஜன் பங்கேற்று தரிசித்தாா். முன்னதாக, அவருக்கு தீட்சிதா்கள் சாா்பில் வரவேற்பு அளிக்கப்பட்டது. பின்னா், மகாபிஷேக நிகழ்ச்சியை தரிசித்துவிட்டு, சிதம்பரம் தில்லைக்காளியம்மன் கோயிலுக்குச் சென்று வழிபட்டாா்.
சிதம்பரத்தில் செய்தியாளா்களிடம் அவா் கூறியதாவது:
இதுபோன்ற ஆன்மிக விழாக்களுக்கு வருவோா் எச்சரிக்கையுடன் செயல்பட வேண்டும். அனைவரும் கரோனா தடுப்பூசி செலுத்திக் கொள்ள வேண்டும். புதுவையில் கரோனா தொற்று பரவல் சற்று அதிகரித்துள்ளது. எனவே, முகக் கவசம் அணிய வேண்டும் என உத்தரவிடப்பட்டது. காரைக்காலில் காலரா நோய் பரவியது. ஆனால், அரசு விரைந்து செயல்பட்டு தடுப்பு நடவடிக்கைகளை மேற்கொண்டுள்ளது என்றாா் தமிழிசை சௌந்தரராஜன்.