கரோனா தொற்று பரவல், தூய்மை இந்தியா திட்டம், சுகாதாரம் குறித்து விழிப்புணா்வு கலை நிகழ்ச்சிகள் நடத்திய கலைஞா்களுக்கு சான்றிதழ் வழங்கும் நிகழ்ச்சி, பண்ருட்டி வட்டாட்சியா் அலுவலகத்தில் வெள்ளிக்கிழமை நடைபெற்றது.
நிகழ்ச்சிக்கு தலைமை வகித்த வட்டாட்சியா் ஆா்.பிரகாஷ், விழிப்புணா்வு ஏற்படுத்திய பண்ருட்டி நாடக நடிகா்கள், அனைத்து நாட்டுப்புற கலைஞா்கள் சங்கத்தினருக்கு பாராட்டுச் சான்றிதழை வழங்கி கௌரவித்தாா். துணை வட்டாட்சியா்கள் சிவக்குமாா், கிருஷ்ணா, சேகா், செந்தமிழ்செல்வி, வட்ட வழங்கல் அலுவலா் மோகன் ஆகியோா், சங்கத் தலைவா் சிவநேசன், செயலா் குணாளன், நிா்வாகிகள் மணிபாலன், நாகராஜன், அரவிந்தகுமாா் உள்ளிட்டோா் கலந்துகொண்டனா். ஒருங்கிணைப்பாளா் முரளி நன்றி கூறினாா்.