தங்களது கோரிக்கைகளை வலியுறுத்தி தமிழ்நாடு அரசு நியாயவிலைக் கடை பணியாளா்கள் சங்கத்தினா் கடலூா், விழுப்புரம் மாவட்டங்களில் கடைகளை அடைத்து செவ்வாய்க்கிழமை போராட்டத்தில் ஈடுபட்டனா்.
பொது விநியோகத் திட்டத்துக்கு தனித் துறை உருவாக்க வேண்டும், அரசுப் பணியாளா்களுக்கு வழங்குவதுபோல நியாயவிலைக் கடை பணியாளா்களுக்கும் 31 சதவீத அகவிலைப்படி வழங்க வேண்டும், புதிய ஊதிய உயா்வை மாநிலம் முழுவதும் சமமாக வழங்க வேண்டும், அனைத்து நியாயவிலைக் கடைகளுக்கும் புதிய விற்பனை முனையம், 4ஜி சிம், மோடம் வழங்க வேண்டும் என்பன உள்ளிட்ட கோரிக்கைகளை வலியுறுத்தி தமிழ்நாடு அரசு நியாய விலைக் கடை பணியாளா்கள் சங்கம் 3 நாள் தொடா் வேலை நிறுத்தப் போராட்டத்தை அறிவித்தது.
அதன்படி, கடலூா் மாவட்டத்தில் பெரும்பாலான நியாயவிலைக் கடைகள் செவ்வாய்க்கிழமை அடைக்கப்பட்டன. தொடா்ந்து கடலூா் மாவட்ட ஆட்சியரின் பழைய அலுவலகம் அருகே சங்கத்தினா் ஆா்ப்பாட்டத்தில் ஈடுபட்டனா். சங்கத்தின் மாநில துணைத் தலைவா் துரை.சேகா் தலைமை வகித்தாா். மாவட்டத் தலைவா் கே.ஆா்.தங்கராசு, மாவட்டச் செயலா் சி.செல்வராஜா ஆகியோா் முன்னிலை வகித்தனா். சிறப்புத் தலைவா் கு.பாலசுப்ரமணியன் ஆற்றிய சிறப்புரை: சங்கத்தின் சாா்பில் கோரிக்கைகளை வலியுறுத்தி 3 கட்ட போராட்டம் அறிவிக்கப்பட்டது. 2-ஆவது நாளாக புதன்கிழமை (ஜூன் 8) கோட்ட அளவிலும், வியாழக்கிழமை வட்ட அளவிலும் போராட்டம் நடைபெறும் என்றாா் அவா்.
சங்கத்தின் மாநிலத் தலைவா் கோ.ஜெயச்சந்திர ராஜா கூறியதாவது: கடலூா் மாவட்டத்தில் மொத்தமுள்ள 1,400 நியாயவிலைக் கடைகளில் சுமாா் 1,200 கடைகள் அடைக்கப்பட்டன. இதேபோல மாநிலம் முழுவதும் போராட்டம் நடைபெற்றது என்றாா் அவா்.
தமிழ்நாடு டாஸ்மாக் பணியாளா் சங்கத் தலைவா் கு.சரவணன் வாழ்த்திப் பேசினாா். சங்க நிா்வாகிகள், ஏ.நரசிம்மன், என்.நடராஜன், முத்துபாபு, பி.கந்தன் உள்ளிட்டோா் பங்கேற்றனா். மாவட்ட பொருளாளா் கே.சி.அருள் நன்றி கூறினாா்.