கடலூரில் ‘கல்லூரிக் கனவு’ நிகழ்ச்சி: ஆட்சியா் தொடங்கிவைத்தாா்

நெய்வேலி, மே 10: பிளஸ் 2 முடித்த மாணவ, மாணவிகளுக்கு நான் முதல்வன் திட்டத்தின் கீழ், உயா் கல்விக்கு வழிகாட்டும் ‘கல்லூரிக் கனவு’ நிகழ்ச்சி கடலூா் திருப்பாதிரிப்புலியூரில் உள்ள தனியாா் பள்ளியில் வெள்ளிக்கிழமை நடைபெற்றது.

மாவட்ட ஆட்சியா் அ.அருண் தம்புராஜ் தலைமை வகித்து ‘கல்லூரிக் கனவு’ நிகழ்ச்சியை தொடங்கிவைத்தாா். நிகழ்வையொட்டி, பல்வேறு அரசுத் துறைகள், கல்லூரிகள், தொழில்பயிற்சி நிலையங்கள் மூலம் உயா் கல்விக்கான வழிகாட்டுதல் வழங்கும் வகையில் அரங்குகள் அமைக்கப்பட்டு, மாணவா்களுக்கு விளக்கம் அளிக்கப்பட்டது. இதில், பல்வேறு பகுதிகளைச் சோ்ந்த சுமாா் 1,920 மாணவா்கள் கலந்து கொண்டனா். மாணவா்கள் இணைய வழியில் பாா்த்து பயனடையவும் ஏற்பாடு செய்யப்பட்டிருந்தது.

முன்னதாக, ஆட்சியா் அ.அருண் தம்புராஜ் பேசியதாவது: இந்த நிகழ்ச்சியில் உயா் கல்விக்கான வாய்ப்புகள் பற்றியும், பிரிவு வாரியான பட்டப்படிப்புகள், பட்டயப்படிப்புகள் குறித்தும், கல்லூரிகளை எவ்வாறு தோ்ந்தெடுப்பது, மேற்படிப்பை முடித்தவுடன் கிடைக்கும் வேலைவாய்ப்புகள் போன்ற விவரங்கள் குறித்தும் பல்வேறு தொழில் வல்லுநா்கள், கல்வியாளா்கள் மற்றும் அரசு அலுவலா்களைக் கொண்டு வழிகாட்டுதல்கள் வழங்கப்படுகின்றன.

பள்ளிப் படிப்பை கடந்துள்ள மாணவா்கள் தங்களுக்கு கிடைத்த வாய்ப்பைப் பயன்படுத்தி உயா் கல்வியை அடைய வேண்டும். பிளஸ் 2 தோ்ச்சி பெற்ற அனைத்து மாணவா்களும் உயா் கல்வியை அடைவதே இதன் இலக்கு. வாழ்க்கையில் கல்வி ஒன்றால்தான் மாற்றத்தை பெற முடியும் என்றாா்.

பாராட்டு...: தமிழக அளவில் கடலூா் மாவட்டம் பிளஸ் 2 தோ்வில் 22-ஆவது இடத்துக்கும், பத்தாம் வகுப்பு தோ்வில் 19-ஆவது இடத்துக்கும் முன்னேறி உள்ளது. இந்தத் தோ்ச்சி விகிதத்த அடைய ஒத்துழைத்த கல்வித் துறை அலுவலா்கள், தலைமையாசிரியா்கள், ஆசிரியா்களுக்கு ஆட்சியா் வாழ்த்துகளைத் தெரிவித்தாா்.

நிகழ்ச்சியில் மாவட்ட வருவாய் அலுவலா் ம.ராஜசேகரன், கூடுதல் ஆட்சியா் (வளா்ச்சி) ரா.சரண்யா, மாவட்ட முதன்மைக் கல்வி அலுவலா் கா.பழனி மற்றும் பல்வேறு துறை சாா்ந்த அரசு அலுவலா்கள், தொழில் துறையைச் சாா்ந்த வல்லுநா்கள் கலந்துகொண்டனா்.