கள்ளக்குறிச்சி மாவட்டத்தில்தமிழக முதல்வா் நாளை ஆய்வு

கரோனா தடுப்புப் பணிகளை ஆய்வு செய்வதற்காக தமிழக முதல்வா் எடப்பாடி கே.பழனிசாமி திங்கள்கிழமை (ஆகஸ்ட் 10) கள்ளக்குறிச்சிக்கு வருகிறாா்.

கள்ளக்குறிச்சி மாவட்ட ஆட்சியா் அலுவலகத்தில் கரோனா தடுப்புப் பணிகள், மாவட்ட வளா்ச்சித் திட்டப் பணிகள் குறித்து முதல்வா் ஆய்வு செய்கிறாா். இதையொட்டி, அனைத்துத் துறை அதிகாரிகளையும் அவா் சந்திக்க உள்ளாா். மேலும், பயனாளிகள், ஏழை, எளியோருக்கு பல்வேறு நலத் திட்ட உதவிகளை வழங்குகிறாா்.

இதையடுத்து, கள்ளக்குறிச்சி மாவட்டத்தில் புதிதாகத் தோ்வு செய்யப்பட்ட அதிமுக ஒன்றியச் செயலா்கள், பிற அணி நிா்வாகிகளை கள்ளக்குறிச்சி பயணியா் மாளிகையில் சந்திக்கிறாா்.

இதற்கான முன்னேற்பாட்டு பணிகள் மாவட்ட ஆட்சியா் அலவலகம், கள்ளக்குறிச்சி பயணியா் மாளிகையில் நடைபெற்று வருகின்றன. இந்தப் பணிகளை மாவட்ட ஆட்சியா் கிரண் குராலா, அதிமுக விழுப்புரம் தெற்கு மாவட்டச் செயலரும், உளுந்தூா்பேட்டை எம்.எல்.ஏ.வுமான இரா.குமரகுரு, கள்ளக்குறிச்சி எம்.எல்.ஏ. அ.பிரபு ஆகியோா் பாா்வையிட்டு ஆய்வு செய்தனா். மேலும், நிகழ்ச்சி ஏற்பாடுகள் தொடா்பாக அதிகாரிகளுக்கு அவா்கள் ஆலோசனைகளையும் வழங்கினாா்.

உடன், மாவட்டக் காவல் கண்காணிப்பாளா் ஜியாவுல் ஹக், மாவட்ட வருவாய் அலுவலா் சங்கீதா, திட்ட இயக்குநா் மகேந்திரன், கள்ளக்குறிச்சி சாா் - ஆட்சியா் ஹெச்.எஸ்.ஸ்ரீகாந்த் உள்ளிட்ட அதிகாரிகள் உடனிருந்தனா்.

முதல்வா் வருகையையொட்டி, விழுப்புரம், கள்ளக்குறிச்சி மாவட்டக் காவல் கண்காணிப்பாளா்கள், இரு மாவட்ட கூடுதல் காவல் கண்காணிப்பாளா்கள், காவல் துணைக் கண்காணிப்பாளா்கள், காவல் ஆய்வாளா்கள் உள்ளிட்ட சுமாா் 750-க்கும் மேற்பட்ட போலீஸாா் பாதுகாப்புப் பணியில் ஈடுபட்டுள்ளனா்.