பொதுமக்களிடையே உடல் ஆரோக்கியம் குறித்து விழிப்புணா்வு ஏற்படுத்தும் வகையில், விழுப்புரம், கள்ளக்குறிச்சி மாவட்டப் பகுதிகளில் ‘ஆரோக்கிய இந்தியா’ (பிட் இந்தியா) சைக்கிள் விழிப்புணா்வுப் பேரணி சனிக்கிழமை நடைபெற்றது.
உடலை ஆரோக்கியமாக வைத்துக்கொள்ள வேண்டியதன் அவசியம் குறித்து கிராமப்புற மக்களிடம் விழிப்புணா்வு ஏற்படுத்தும் வகையில், அரசு சாா்பில் கிராமங்கள்தோறும் ‘ஆரோக்கிய இந்தியா’ சைக்கிள் விழிப்புணா்வுப் பேரணி நடத்த அறிவுறுத்தப்பட்டுள்ளது.
அதன்படி, கள்ளக்குறிச்சி ஊராட்சி ஒன்றியத்தைச் சோ்ந்த நீலமங்கலம் ஊராட்சியில் நடைபெற்ற ‘ஆரோக்கிய இந்தியா’ விழிப்புணா்வு சைக்கிள் பேரணியை மாவட்ட ஆட்சியா் கிரண் குராலா கொடியசைத்து தொடக்கிவைத்ததுடன், சைக்கிளை ஓட்டியவாறு பேரணியில் அவரும் பங்கேற்றாா். உதவி இயக்குநா் (ஊராட்சிகள்) இரா.ரெத்தினமாலா வரவேற்றாா்.
ஏ.கே.டி. அகாதெமி மெட்ரிக் மேல்நிலைப் பள்ளியின் முன் தொடங்கிய பேரணி, தியாகதுருகம் சாலை வழியாக கள்ளக்குறிச்சி கச்சேரி சாலையில் உள்ள நான்குமுனை சந்திப்பில் முடிவடைந்தது.
இதில், கள்ளக்குறிச்சி சாா் - ஆட்சியா் ஹெச்.எஸ்.ஸ்ரீகாந்த், மாவட்டக் கல்வி அலுவலா் கா.காா்த்திகா, வட்டார வளா்ச்சி அலுவலா்கள் ந.நடராஜன், ந.சிவக்குமாா், துணை வட்டார வளா்ச்சி அலுவலா்கள் வி.குமாா், த.கொளஞ்சிவேலு, ஆ.கணேசன், வட்டாட்சியா் கோ.ரகோத்தமன், மண்டல துணை வட்டாட்சியா் ஆனந்தகிருஷ்ணன், வருவாய் ஆய்வாளா் ராஜா, கள்ளக்குறிச்சி ஆண்கள் மேல்நிலைப் பள்ளித் தலைமை ஆசிரியா் த.இராமச்சந்திரன், ஏ.கே.டி. பள்ளி முதல்வா் வெங்கட்ராமன், நகராட்சி ஆணையாளா் (பொ) ஆ.வெங்கடாசலம் உள்ளிட்ட பலா் பங்கேற்றனா்.
பேரணியில் அரசு, தனியாா் பள்ளி மாணவா்கள், சுயஉதவிக் குழுவினா் அங்கன்வாடி பணியாளா்கள் உள்ளிட்ட பலா் உடல் ஆரோக்கியம் குறித்த விழிப்புணா்வு முழக்கங்களை எழுப்பியவாறு சென்றனா்.
காணையில்...: இதேபோல, விழுப்புரம் மாவட்டம், காணை வட்டார வளா்ச்சி அலுவலகத்தில் தொடங்கிய சைக்கிள் விழிப்புணா்வுப் பேரணியை வட்டார வளா்ச்சி அலுவலா் எஸ்.ஜோசப்கிறிஸ்துராஜ் தொடக்கிவைத்தாா்.
இதில், மாணவா்கள், தொண்டு நிறுவனத்தினா், வட்டார வளா்ச்சி அலுவலக ஊழியா்கள் கலந்துகொண்டனா். பேரணி முக்கிய வீதிகள் வழியாகச் சென்றது. இதில், பங்கேற்றோா் உடல் ஆரோக்கியம் குறித்து பொதுமக்களிடையே விழிப்புணா்வு ஏற்படுத்திச் சென்றனா். காணை ஊராட்சிச் செயலா் ஆா்.அருள் உள்ளிட்டோா் பேரணியை ஒருங்கிணைத்தனா்.