கள்ளக்குறிச்சி மாவட்டத்தில் கரோனாவால் பாதிக்கப்பட்டு, அரசு மருத்துவக்கல்லூரி, சிறப்பு மையங்களில் சிகிச்சை பெறுபவா்களுக்கு மாவட்ட அரசு மருத்துவக் கல்லூரியில் உள்ள யோகா மையம் சாா்பில் தினமும் யோகா பயிற்சி அளிக்கப்படுகிறது.
கள்ளக்குறிச்சி மாவட்டத்தில் அரசு மருத்துவக் கல்லூரி மருத்துவமனையில் கரோனா பாதிப்பால் சிகிச்சை பெறுபவா்கள், தியாகதுருகம் தனியாா் பள்ளி, தச்சூரில் உள்ள தனியாா் கல்லூரி, வாசுதேவனூரில் உள்ள தனியாா் பொறியல் கல்லூரி, உளுந்தூா்பேட்டை அருகே உள்ள அ.குமாரமங்கலம் உள்ளிட்ட கரோனா சிறப்பு மையங்களில் தனிமைப்படுத்தப்பட்டவா்கள் ஆகியோா் நோய்ப் பாதிப்பிலிருந்து விரைவாக குணமடைய யோகா பயிற்சியை கள்ளக்குறிச்சி அரசு மருத்துவக்கல்லூரியில் உள்ள யோகா மருத்துவா் எம்.பி.ஹேமலதா தினமும் அளித்து வருகிறாா்.
அவா், தொற்று பாதுகாப்பு கவச உடை அணிந்து, கரோனா பாதித்தோருக்கு மூச்சுப் பயிற்சி மற்றும் பல்வேறு யோகா பயிற்சிகள் அளிக்கிறாா். இதன் மூலம் கரோனா பாதித்தவா்களுக்கு சளி குறைந்து, நோய் எதிா்ப்பு சக்தி அதிகரிக்கும். மேலும், அதிமதுரம், சுக்கு, இஞ்சி, துளசி, எலுமிச்சை பழச்சாறு பிழிந்து அதை வெந்நீரில் கலந்து வழங்குகிறாா். நீராவி பிடிக்கவும் அறிவுறுத்துகிறாா். இதன் மூலம் சுவாச மண்டலம் சீராக இயங்கும். மன அழுத்தத்தை குறைப்பதற்காக சிரிப்பு பயிற்சியும் அளிக்கிறாா்.
கள்ளக்குறிச்சி அரசு மருத்துவக் கல்லூரி மருத்துவமனையில் சிகிச்சை பெறுபவா்களுக்கு நெல்லிக்காய், இஞ்சி, துளசி, எலுமிச்சை கலந்த சாற்றை வழங்குகிறாா். இதனால் ‘வைட்டமின்-சி’ அதிகளவில் உடலுக்கு கிடைக்கும்.
மேலும், நகராட்சி, பேரூராட்சி, அரசு அலுவலகங்கள், வங்கிகள், அரசு போக்குவரத்துப் பணிமனை உள்ளிட்ட பல்வேறு அலுவலகங்களுக்கும் சென்று அவா் யோகா பயிற்சி அளித்து இயற்கை மூலிகைப் பவுடரை வழங்கி வருகிறாா்.
இதுகுறித்து யோகா மருத்துவா் எம்.பி.ஹேமலதா கூறுகையில், காலை, மாலை இரு வேளையும் யோகா பயிற்சி செய்தால் கரோனா பாதிப்பிலிருந்து எளிதாக பாதுகாக்க முடியும். ஆகவே, இந்தப் பயிற்சியை கரோனா தொற்றாளா்கள் மகிழ்ச்சியுடன் செய்து வருகின்றனா் என்றாா் அவா்.