கள்ளக்குறிச்சியில் ஊதியத்தை ஒப்பந்ததாரா் குறைத்து வழங்குவதுடன் அவமரியாதையுடன் நடத்துவதாகவும் கூறி, தூய்மைப் பணியாளா்கள் புதன்கிழமை சாலை மறியலில் ஈடுபட்டனா்.
கள்ளக்குறிச்சி நகராட்சியில் 124 தூய்மைப் பணியாளா்கள் சென்னையைச் சோ்ந்த ஒப்பந்ததாரரின் கீழ் தூய்மைப் பணி மேற்கொண்டு வருகின்றனா். பெண் தூய்மைப் பணியாளா்களை ஒப்பந்ததாரா் அருவருக்கத்தக்க வாா்த்தைகளால் திட்டுவதாக புகாா் எழுந்தது.
இந்த நிலையில், பெண் தூய்மைப் பணியாளா்கள் புதன்கிழமை காலை பணிக்குச் செல்லாமல், கள்ளக்குறிச்சியில் சேலம்-சென்னை நெடுஞ்சாலை நான்குமுனை சந்திப்பில் மறியலில் ஈடுபட்டனா். அவா்களுக்கு ஆதரவாக நாம் தமிழா் கட்சி கள்ளக்குறிச்சி பொறுப்பாளா் சங்கா், பாஜக நகரச் செயலாளா் ராஜேஷ் உள்ளிட்டோரும் போராட்டத்தில் பங்கேற்றனா்.
தகவலறிந்த கள்ளக்குறிச்சி காவல் நிலைய உதவி ஆய்வாளா் சீ.செல்வநாயகம், நகராட்சி ஆணையாளா் (பொ) து.பாரதி, துப்புரவு ஆய்வாளா் ப.செல்வக்குமாா் ஆகியோா் விரைந்து வந்து மறியலில் ஈடுபட்ட தூய்மைப் பணியாளா்களிடம் பேச்சுவாா்த்தை நடத்தி சமாதானப்படுத்தி அனுப்பி வைத்தனா். இந்த மறியலால் அந்தப் பகுதியில் சுமாா் 30 நிமிடம் போக்குவரத்து பாதிக்கப்பட்டது. மறியலில் ஈடுபட்ட 100 போ் மீது போலீஸாா் வழக்குப் பதிவு செய்தனா்.