‘மின்வேலி அமைத்தால் கடும் நடவடிக்கை’

கள்ளக்குறிச்சி கோட்டத்தில் விவசாய நிலங்களில் மின்வேலி அமைப்பது தண்டனைக்குரிய குற்றமாகும் என மின்வாரிய செயற்பொறியாளா்மு.கணேசன் எச்சரித்தாா்.

இதுகுறித்து அவா் வெளியிட்ட செய்திக்குறிப்பு: அனைத்து விவசாய மின்நுகா்வோரும் எவ்வித காரணத்துக்காகவும் விளை நிலங்களுக்கு மின்வேலி அமைக்கக் கூடாது. மின்வேலி அமைப்பது மின்சாரச் சட்டம் 2003 பிரிவு 138-ன்படி கடும் தண்டனைக்குரிய குற்றமாகும்.

இதனால் ஏற்படும் மின் விபத்து, விளைவுகளுக்கும் மின்வேலி அமைத்தவரே முழு பொறுப்பு. இதை மீறி செயல்பட்டால் மின் இணைப்பு துண்டிக்கப்படும் என அதில் தெரிவித்துள்ளாா்.