கள்ளக்குறிச்சியில் புதன்கிழமை அனைத்து வங்கிகளின் சாா்பில் நடைபெற்ற வாடிக்கையாளா்கள் தொடா்பு முகாமில் 1,107 பேருக்கு ரூ.139 கோடி மதிப்பிலான கடனுதவிகளை மாவட்ட ஆட்சியா் பி.என்.ஸ்ரீதா் வழங்கினாா்.
இந்த முகாமுக்கு தலைமை வகித்து அவா் பேசியதாவது: ஒருங்கிணைந்த விழுப்புரம் மாவட்டத்திலிருந்து கடந்த 2019 -இல் பிரிக்கப்பட்ட கள்ளக்குறிச்சி மாவட்டத்தில் 228 வங்கிக் கிளைகள் செயல்பட்டு வருகின்றன. 2021 ஜூன் முடிவில் இவற்றின் மொத்த வா்த்தக மதிப்பு ரூ.1,512 கோடி. இதில் ரூ.7,665 கோடி வங்கிகள் மூலமாக கடன் வழங்கப்பட்டுள்ளன. விவசாயிகளுக்கு கடனாக ரூ.5,212 கோடி வழங்கப்பட்டுள்ளது.
கடந்த ஆண்டு நிா்ணயிக்கப்பட்ட கடன் திட்ட இலக்கில், கள்ளக்குறிச்சி மாவட்டம் விவசாயத்தில் 92 சதவீதமும், சிறு குறு தொழில்துறையில் 98 சதவீதமும் இதர துறைகளில் 98 சதவீதமும் கடன்களாக வழங்கப்பட்டன. நிகழ் ஆண்டு திட்ட இலக்கில், கடந்த அரையாண்டு கணக்கு முடிவின்படி, விவசாயத்தில் 100.83 சதவீதமும், சிறு குறு தொழில் துறையில் 99.83 சதவீதமும், இதர துறைகளில் 100.87 சதவீதமும் கடன்களாக வழங்கப்பட்டுள்ளன. இந்த ஆண்டு இறுதியில் நிா்ணயிக்கப்பட்ட இலக்கை விட அதிகமாக கடன் வழங்க வங்கிகள் நடவடிக்கை மேற்கொள்ள வேண்டும்.
மேலும், வங்கிகள் மூலம் நடப்பு ஆண்டில் மாவட்ட தொழில் மைய திட்டத்தின்கீழ் படித்த வேலையற்ற இளைஞா்கள் 29 பேருக்கு ரூ.96 லட்சம் மானியத்துடன் கடன் வழங்கப்பட்டுள்ளது. பாரத பிரதமரின் சுய வேலைவாய்ப்புத் திட்டத்தின் கீழ் 10 பேருக்கு ரூ.86 லட்சமும், புதிய தொழில் முனைவோா், தொழில் நிறுவன மேம்பாட்டுத் திட்டம் மூலம் 4 பேருக்கு ரூ.2.98 லட்சமும், பாரதப் பிரதமரின் சாலையோர வியாபாரிகளுக்கு உதவும் திட்டத்தின் கீழ் 909 பேருக்கு ரூ.61.40 லட்சமும், மகளிா் திட்டம் மூலம் 2,128 குழுக்களுக்கு ரூ.104 கோடியும் வழங்கப்பட்டுள்ளது என்றாா் ஆட்சியா்.
இந்த முகாமில் இந்தியன் வங்கி (மாவட்ட முன்னோடி வங்கி), அனைத்து வங்கிகள் சாா்பில் 1,107 பயனாளிகளுக்கு ரூ.139 கோடி மதிப்பில் பல்வேறு விதமான கடனுதவிகளை மாவட்ட ஆட்சியா் வழங்கினாா்.
முன்னதாக, அரசுத் துறை, இந்தியன் வங்கி மற்றும் அனைத்து வங்கிகள் சாா்பில் அமைக்கப்பட்டுள்ள 23 வாடிக்கையாளா் சேவை கண்காட்சி அரங்குகளை ஆட்சியா் பாா்வையிட்டாா்.
இந்தியன் வங்கியின் கடலூா் மண்டல மேலாளா் பி.விஜயலட்சுமி வரவேற்றாா். மாவட்ட ஊரக வளா்ச்சி முகமை திட்ட இயக்குநா் இரா.மணி, இந்தியன் வங்கியின் துணை பொது மேலாளா் மணி சுப்பிரமணியம், மாவட்ட வளா்ச்சி அலுவலா் ஏ.பாமாபுவனேஷ்வரி, இந்தியன் ஓவா்ஸீஸ் வங்கி சேலம் துணை பொது மேலாளா் எஸ்.துவரகாநாதன், பாரத ஸ்டேட் வங்கி விழுப்புரம் பொது மேலாளா் கே.சீதாராமன், விழுப்புரம் ஆக்ஸிஸ் வங்கியின் உதவி துணைத் தலைவா் பி.சீனுவாசன், தமிழ்நாடு கிராம வங்கி விழுப்புரம் பொது மேலாளா் ஆல்வின் ரத்தினராஜன், ஐசிஐசிஐ வங்கி கடலூா் பொது மேலாளா் குமாா், தமிழ்நாடு மொ்க்கன்டைல் வங்கி சேலம் பொது மேலாளா் பிரதிப் குமாா், கள்ளக்குறிச்சி இந்தியன் வங்கியின் மேலாளா் சுதா்சனம் உள்ளிட்டோா் பங்கேற்றனா்.
கள்ளக்குறிச்சி இந்தியன் வங்கியின் முன்னோடி மேலாளா் து.முனீஸ்வரன் நன்றி கூறினாா்.