புதுச்சேரி: புதுச்சேரி ரெயின்போ நகரில் பாத்திர வியாபாரியைத் தாக்கிய 4 பேரை போலீஸாா் கைது செய்தனா்.
புதுச்சேரி ரெயின்போ நகரைச் சோ்ந்தவா் ராஜ்குமாா் (39). இவா் தியாகுமுதலியாா் வீதி - பாரதி வீதி சந்திப்பில் பாத்திரக்கடை வைத்துள்ளாா். இவரது கடைக்கு முன்பு வியாழக்கிழமை நள்ளிரவில் பேசிக்கொண்டிருந்த 4 பேரை ராஜ்குமாா் தள்ளி நிற்குமாறு கூறினாராம். இதற்கு எதிா்ப்பு தெரிவித்த 4 பேரும், ராஜ்குமாரிடம் வாக்குவாதத்தில் ஈடுபட்டதுடன், அவரை திட்டி, தாக்கியதாகக் கூறப்படுகிறது.
இதுகுறித்து ராஜ்குமாா் அளித்த புகாரின் பேரில் பெரியக்கடை போலீஸாா் வழக்குப் பதிந்து, புதுச்சேரியைச் சோ்ந்த சரவணன் (23), பாலாஜி (29), ரஞ்சித் (20), தேவா (21) ஆகிய 4 பேரையும் வெள்ளிக்கிழமை கைது செய்து, சிறையில் அடைத்தனா்.