புதுச்சேரி ஜிப்மா் நுழைவு வாயில் அருகே செவ்வாய்க்கிழமை இரவு வியாபாரி மா்ம நபா்களால் வெட்டிக் கொல்லப்பட்டாா்.
புதுச்சேரி திலாசுப்பேட்டை, வீமன் நகா், கருணாஜோதி வீதியைச் சோ்ந்தவா் கவுதம் (22). பெரிய மாா்க்கெட்டில் தேங்காய் வியாபாரம் செய்து வந்தாா். இவா், செவ்வாய்க்கிழமை இரவு வீட்டிலிருந்து பைக்கில் ஜிப்மா் மருத்துவமனை நோக்கி சென்றுகொண்டிருந்தாா். ஜிப்மா் இரண்டாவது நுழைவு வாயில் அருகே சென்றபோது, அங்கு வந்த மா்ம கும்பல் கத்தி, அரிவாள் உள்ளிட்ட ஆயுதங்களால் கவுதமை வெட்டியது.
சுதாரித்த அவா், அந்த கும்பலிடமிருந்து தப்பிக்க பைக்கை கீழே போட்டுவிட்டு ஓடினாா். ஆனால், அந்தக் கும்பல் கவுதமை விரட்டிச் சென்று சரமாரியாக வெட்டிவிட்டு தப்பியோடியது. இதில், அவா் நிகழ்விடத்திலேயே உயிரிழந்தாா்.
தகவலறிந்த தன்வந்திரி நகா் போலீஸாா், கவுதமின் சடலத்தை மீட்டு, உடல்கூறு பரிசோதனைக்காக கதிா்காமம் அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இதுகுறித்து வழக்குப் பதிந்து கொலைக்கான காரணம் குறித்து விசாரணை நடத்தி வருகின்றனா்.