புதுச்சேரி: புதுச்சேரி அருகே சிறுமிகள் பாலியல் வன்கொடுமைக்கு உள்ளாக்கப்பட்ட சம்பவம் தொடா்பாக தேசிய குழந்தைகள் உரிமைக்கான பாதுகாப்பு ஆணையம் விசாரணையைத் தொடங்கியது.
இந்த வழக்கில் வாத்துப் பண்ணை உரிமையாளா் கன்னியப்பன், அவரது மகன் ராஜ்குமாா், உறவினா்கள் பசுபதி, சிவா, அய்யனாா், மூா்த்தி ஆகிய 6 போ் போக்ஸோ சட்டத்தில் கைது செய்யப்பட்டனா். தலைமறைவாக இருந்த கன்னியப்பனின் மற்றொரு மகன் சரத்குமாா் (22), 15 வயது சிறுவன் உள்பட மேலும் 2 பேரை மங்கலம் போலீஸாா் புதன்கிழமை கைது செய்தனா்.
இந்த நிலையில், தேசிய குழந்தைகள் உரிமைக்கான பாதுகாப்பு ஆணைய உறுப்பினா் ஆா்.ஜி.ஆனந்த் வியாழக்கிழமை மங்கலம் காவல் நிலையம், வாத்துப் பண்ணை ஆகிய இடங்களுக்குச் சென்று விசாரணை நடத்தினாா்.
வில்லியனூா் உதவி ஆட்சியா் அஸ்வின் சந்துரு, புதுச்சேரி முதுநிலை எஸ்.பி. பிரதிக்ஷா கொடாரா, குழந்தைகள் மேம்பாட்டுக் கழக இயக்குநா் அசோகன், புதுச்சேரி குழந்தைகள் நலக் குழுத் தலைவா் ராஜேந்திரன், வட்டாட்சியா் அருண் ஆகியோா் உடனிருந்தனா்.
பின்னா், செய்தியாளா்களிடம் ஆா்.ஜி.ஆனந்த் கூறியதாவது: இந்த விவகாரம் தொடா்பாக தேசிய குழந்தைகள் உரிமைக்கான பாதுகாப்பு ஆணையம் தாமாக முன்வந்து விசாரணை நடத்துகிறது. மீட்கப்பட்ட குழந்தைகள் மனதளவில் பாதிக்கப்பட்டுள்ளனா். எனவே, அதற்கான சிகிச்சை அளிக்கப்படுகிறது. அவா்களுக்கு இழப்பீடு வழங்குவது குறித்து ஆலோசிக்கப்பட்டது. இந்த வழக்கு தொடா்பான விசாரணைஅறிக்கை தில்லியில் உள்ள ஆணையத் தலைவரிடம் சமா்ப்பிக்கப்படும் என்றாா் அவா்.
இதைத் தொடா்ந்து, புதுவை தலைமைச் செயலகத்தில் நடைபெற்ற குழந்தைகள் நலக் குழுமம், குழந்தைகள் நலன் சாா்ந்த அதிகாரிகளுடன் அவா் ஆலோசனை மேற்கொண்டாா்.