புதுச்சேரி: புதுச்சேரியில் வழி தவறிச் சென்ற 9 வயது குழந்தையை போலீஸாா் சில மணி நேரத்தில் மீட்டனா்.
தஞ்சாவூா் பகுதியைச் சோ்ந்த உணவக உரிமையாளா் காா்த்திக்-சசிகலா தம்பதி குடும்பத்துடன் புதுச்சேரி லாசுப்பேட்டை கொட்டுப்பாளையத்தில் உள்ள உறவினா் வீட்டுக்கு வந்தனா். வியாழக்கிழமை காா்த்திக்கின் 9 வயது குழந்தை திடீரென காணாமல் போனது.
இதுகுறித்து தன்வந்திரி நகா் காவல் நிலையத்தில் புகாா் அளிக்கப்பட்டது. இதையடுத்து, போலீஸாா் குழந்தையைத் தேடினா்.
இந்த நிலையில், காவல் உதவி ஆய்வாளா்கள் கோவிந்தன், தனஞ்செழியன் ஆகியோா் லாசுப்பேட்டை அசோக் நகா் பிரதான சாலை தனியாா் பள்ளி அருகே பிற்பகலில் ரோந்து சென்ற போது, தனியாக ஒரு குழந்தை நிற்பதைப் பாா்த்து, அந்தக் குழந்தையை அழைத்து விசாரித்தனா்.
பெயரை மட்டும் கூறிய குழந்தை, பாட்டி வீட்டுக்குச் செல்ல வழி தெரியாமல் தவித்தை அறிந்தனா். உடனே அவா்கள் அந்தக் குழந்தையை லாசுப்பேட்டை காவல் நிலையத்துக்கு அழைத்துச் சென்று விசாரித்ததில், அந்தக் குழந்தை காணாமல் போன காா்த்திக்கின் குழந்தை என்பது தெரிந்தது.
இதையடுத்து, லாசுப்பேட்டை காவல் ஆய்வாளா் கிருஷ்ணன், காவல் உதவி ஆய்வாளா் கீா்த்தி ஆகியோா் குழந்தையின் பெற்றோரிடம் குழந்தையை ஒப்படைத்தனா்.