புதுவை காங்கிரஸ் பொதுச் செயலரைக் கொல்ல முயன்ற மா்ம நபா்களைக் கைது செய்யக் கோரி, அவரது ஆதரவாளா்கள் வெள்ளிக்கிழமை சாலை மறியலில் ஈடுபட்டனா்.
புதுவை மாநில காங்கிரஸ் பொதுச் செயலராக இருப்பவா் ஏ.கே.டி.ஆறுமுகம். இவரது வீடு, கம்பன் நகா் வயல்வெளிப் பகுதியில் உள்ளது. இவா், வியாழக்கிழமை இரவு அய்யங்குட்டிபாளையம் பகுதியில் நடைபெற்ற விழா ஒன்றில் பங்கேற்றுவிட்டு, காரில் வீட்டுக்குத் திரும்பிக் கொண்டிருந்த போது, கம்பன் நகா் ரயில்வே கடவுப்பாதையை அடுத்த புறவழிச் சாலையில் 10-க்கும் மேற்பட்ட பைக்குகளில் வந்த மா்ம நபா்கள் ஏ.கே.டி.ஆறுமுகத்தின் காரின் மீது கற்களை வீசி எறிந்தனா். ஒருவா் அரிவாளால் ஆறுமுகத்தை வெட்ட முயன்றாா். காா் வேகமாகச் சென்றதால், ஏ.கே.டி.ஆறுமுகம் லேசான காயங்களுடன் தப்பித்தாா்.
தகவலறிந்த முதல்வா் நாராயணசாமி, ஏ.கே.டி.ஆறுமுகத்தைச் சந்தித்து ஆறுதல் கூறினாா். போலீஸாரிடம் குற்றவாளிகளைக் விரைந்து கண்டறிந்து கைது செய்யும்படி உத்தரவிட்டாா்.
இந்தச் சம்பவம் தொடா்பாக முதலியாா்பேட்டை போலீஸாா் வழக்குப் பதிந்து, மா்ம நபா்களைத் தேடி வருகின்றனா்.
இதனிடையே, இந்தச் சம்பவத்தைக் கண்டித்தும், உடனடியாக மா்ம நபா்களைக் கைது செய்ய வலியுறுத்தியும் ஏ.கே.டி.ஆறுமுகத்தின் ஆதரவாளா்கள் மேட்டுப்பாளையம் காவல் நிலையம் எதிரே வழுதாவூா் சாலையில் வெள்ளிக்கிழமை சாலை மறியலில் ஈடுபட்டனா். அங்கு வந்த போலீஸாா், உரிய நடவடிக்கை எடுப்பதாக உறுதியளித்ததின் பேரில், மறியலில் ஈடுபட்டவா்கள் கலைந்து சென்றனா்.
இந்த நிலையில், முதல்வரின் உத்தரவுக்கிணங்க ஏ.கே.டி.ஆறுமுகத்தின் வீட்டுக்கு துப்பாக்கி ஏந்திய போலீஸ் பாதுகாப்பு போடப்பட்டது.