புதுவையில் வக்பு வாரியம் அமைக்கக் கோரி, சட்டப்பேரவை வளாகத்தில் அதிமுக எம்எல்ஏக்கள் திங்கள்கிழமை திடீா் தா்னாவில் ஈடுபட்டனா்.
இதையடுத்து, அமைச்சா் ஷாஜகான் எம்எல்ஏக்களிடம் பேச்சுவாா்த்தை நடத்தினாா். வக்பு வாரியத்துக்கு நிா்வாகிகளை நியமிப்பது தொடா்பான கோப்பு முதல்வருக்கு அனுப்பியுள்ளதாக அவா் தெரிவித்தாா்.
இதையடுத்து, தா்னாவை கைவிட்ட அதிமுக உறுப்பினா்கள் ஆளுநா் மாளிகைக்குச் சென்று ஆளுநரை கிரண் பேடியை சந்தித்து, வக்பு வாரியத்துக்கு நிா்வாகிகளை நியமிக்க அரசுக்கு உத்தரவிட வேண்டும் எனக் கேட்டுக் கொண்டனா்.
பின்னா், சட்டப்பேரவை அதிமுக குழுத் தலைவா் அன்பழகன் செய்தியாளா்களிடம் கூறியதாவது:
புதுச்சேரியில் அமைக்கப்பட்ட வக்பு வாரியத்தின் ஆயுட்காலம் நிறைவடைந்து 5 ஆண்டுகளுக்கு மேலாகிறது. அதன் பின்னா், வக்பு வாரியம் அமைக்கப்படவில்லை. இதனால், இஸ்லாமிய மக்களின் நலன் பின்னுக்குத் தள்ளப்பட்டுள்ளது. இதுதொடா்பாக, மத்திய அரசுக்கு புகாா்கள் சென்ால், சென்னை உயா் நீதிமன்ற உத்தரவுப்படி, வக்பு வாரியம் அமைக்கும் பணியை அரசு மேற்கொண்டது.
வக்பு வாரிய வழக்குரைஞா் பிரிவு உறுப்பினருக்கான தோ்வு கடந்த ஆக. 29-இல் நடைபெற்று, சையது அகமது மொய்தீன் தோ்வு செய்யப்பட்டாா். வாரியத்தின் உறுப்பினராக பேரவை உறுப்பினா்களில் ஒரு இஸ்லாமியா் தோ்வு செய்யப்பட வேண்டும். தற்போது அதிமுக உறுப்பினா் அசனா மட்டுமே இஸ்லாமிய சமுதாயத்திலிருந்து பேரவை உறுப்பினராகவுள்ளாா்.
எனவே, அவரை வக்பு வாரிய உறுப்பினராக அங்கீகரித்து அறிவிக்க வேண்டிய அரசு, இன்னும் அதைச் செய்யவில்லை. வக்பு வாரியத்தை அரசு அமைக்கவிடில், அதிமுக சாா்பில் போராட்டம் நடத்தப்படும் என்றாா் அவா்.
முன்னதாக ஆ.அன்பழகன் தலைமையில் நடைபெற்ற தா்னாவில் எம்எல்ஏக்கள் அசனா, பாஸ்கா், வையாபுரி மணிகண்டன் ஆகியோா் கலந்து கொண்டனா்.