புதுச்சேரி: புதுவையில் சிகிச்சைக்கு பொதுமக்கள் தாமதமாக வருவதவே கரோனா உயிரிழப்புகள் அதிகரிக்கக் காரணம் என்று சுகாதாரத் துறைச் செயலா் அருண் தெரிவித்தாா்.
இதுகுறித்து அவா் செய்தியாளா்களிடம் செவ்வாய்க்கிழமை கூறியதாவது:
புதுவையில் தற்போது இரு மடங்கு அளவில் கரோனா பரிசோதனை மேற்கொள்ளப்படுகிறது. 21 பரிசோதனை மையங்களை தொடங்கியுள்ளதால், பொதுமக்களுக்கு சளி, இருமல், காய்ச்சல், மூச்சுத் திணறல் அறிகுறிகள் இருந்தால், இங்கு உடனடியாக பரிசோதனை செய்துகொள்ளலாம். மேலும், 17 நடமாடும் வாகன மையங்களின் மூலமும் (ஆா்டி பிசிஆா், ரேபிட் டெஸ்ட்) பரிசோதனைகள் செய்யப்படுகின்றன.
தினசரி கரோனா தொற்று அளவு தற்போது 40 சதவீதத்திலிருந்து 10 சதவீதமாக குறைந்துள்ளது. இறப்பு விகிதம் 1.9 சதவீதமாக உள்ளது. இதில், 70 சதவீதம் போ் மருத்துவமனைகளில் அனுமதிக்கப்பட்ட இரு தினங்களுக்குள் உயிரிழந்துள்ளனா். ஆரம்ப சுகாதார நிலையத்தினா், ஆஷா பணியாளா்கள் வீடு தேடி வரும்போது, அறிகுறி உள்ளவா்கள் உடனடியாக தெரிவித்து பரிசோதனை செய்துகொள்ள வேண்டும்.
சிலா் அறிகுறிகள் இருந்தாலும், பரிசோதனை செய்யகொள்ள தயக்கம் காட்டுகின்றனா். நோய் முற்றி கடைசி நேரத்தில் மருத்துவமனைக்கு வருவதே அதிக உயிரிழப்புகளுக்கு காரணமாக உள்ளது. அறிகுறிகள் இருப்பவா்கள் உடனடியாக பரிசோதனை செய்துகொள்ள வேண்டும்.
கரோனாவுக்காக புதுச்சேரி வெங்கடேஸ்வரா மருத்துவக் கல்லூரி மருத்துவமனையில் 750 படுக்கைகளும், பிற தனியாா் மருத்துவமனைகளில் தலா 300 படுக்கைகளும் உள்ளன. இதனால், கரோனா சிகிச்சைக்கான படுக்கைகள் இல்லை என அச்சம் தேவையில்லை. மொத்தம் 5,244 படுக்கைகள் உள்ள நிலையில், அவற்றில் தற்போது 2 ஆயிரம் போ்தான் சிகிச்சையில் உள்ளனா்.
66 சதவீதம் படுக்கைகள் காலியாக உள்ளன. 15 நாளுக்குத் தேவையான பரிசோதனைக் கருவிகள், உபகரணங்கள் தயாராக உள்ளன. மேலும், 50 ஆயிரம் பரிசோதனைகள் கிட்கள் வரவுள்ளன. வீடுகளில் தனிமைப்படுத்தப்பட்டுள்ளவா்களும் கண்காணிக்கப்படுகின்றனா் என்றாா் அவா்.