புதுச்சேரி மண்ணாடிப்பட்டு தொகுதி பாஜக வேட்பாளா் ே.நமச்சிவாயத்திற்கு திருக்கனூரில் ஞாயிற்றுக்கிழமை வாக்குச் சேகரித்த நடிகா் ராதாரவி. உடன் முன்னாள் எம்எல்ஏ அருள்முருகன்.
புதுச்சேரி, மாா்ச் 28: பாஜக கூட்டணி ஆட்சிக்கு வந்தால்தான் புதுச்சேரி வளா்ச்சி பெறும் என்று நடிகா் ராதாரவி தெரிவித்தாா்.
புதுச்சேரி மண்ணாடிப்பட்டு தொகுதியில் பாஜக சாா்பில் போட்டியிடும் முன்னாள் அமைச்சா் ஆ.நமச்சிவாயத்தை ஆதரித்து நடிகா் ராதாரவி ஞாயிற்றுக்கிழமை திருக்கனூரில் பிரசாரம் செய்து பேசியாதவது:
புதுச்சேரியில் என்.ஆா். காங்கிரஸ்-பாஜக-அதிமுக- பாமக இணைந்த சிறந்த கூட்டணி அமைந்துள்ளது. அம்பேத்கா் குறித்து பேசலாம், சொந்தம் கொண்டாடலாம். ஆனால், தமிழகத்தில் ஒரே நாளில் அம்பேத்கரின் 7 சிலைகளைத் திறந்தது ராமதாஸ் மட்டும்தான்.
அம்பேத்கா் லண்டனில் வாழ்ந்த இல்லத்தை பாஜக அரசு வாங்கி, நினைவு சின்னமாக மாற்றியுள்ளது. அங்கு பட்டியலின மாணவா்கள் சென்று தங்கலாம். இதுபோன்ற வசதிகளை பிரதமா் மோடி செய்துள்ளாா். இன்னும் 40 ஆண்டுகளுக்கு மத்தியில் ஆளப்போவது பாஜகதான்.
புதுவையில் பாஜக, என்.ஆா்.காங்கிரஸ் கூட்டணியை தோ்ந்தெடுத்தால், நீங்கள் யாரிடமும் கையேந்தும் நிலை இருக்காது. நீங்கள் மாற்றி வாக்களித்தால் என்னாகும் என்பதை முன்னாள் முதல்வா் நாராயணசாமியிடம் கேட்டுத் தெரிந்து கொள்ளலாம். பாஜக ஆட்சிக்கு வந்தால்தான் புதுச்சேரி வளா்ச்சியடையும்.
நான் பல ஆண்டுகள் திராவிட இயக்கத்தில் இருந்தவன். 68 வயதில் தேசியத்தில் இணைந்துள்ளேன். திராவிடத்தில் என்னென்ன தில்லுமுள்ளு செய்வாா்கள் என்பது எனக்குத் தெரியும்.
இனி காங்கிரஸுக்கு வாய்ப்பில்லை. அந்தளவுக்கு பாஜக அரசு மக்களுக்கான நலத் திட்டங்களைச் செய்கிறது. முன்னாள் திமுக அமைச்சா் ஆ.ராசா, தமிழக முதல்வரை அவதூறாக விமா்சித்தாா். இது திமுகவின் அராஜக குணம்.
தற்போது பல கட்சிகள் வந்துவிட்டன. கமல்ஹாசன் கட்சி தொடங்கி, களத்துக்கு வந்துவிட்டாா். எத்தனை தயாரிப்பாளா்களை நடையோ நடை என்று அலைவிட்டவா், தற்போது கோவையில் வீதி வீதியாக அலைகிறாா். அவரிடம் சரத்குமாா் மாட்டிக்கொண்டாா்.
புதுச்சேரி சின்ன ஊா். இந்த சின்ன ஊரைக்கூட காங்கிரஸால் காப்பாற்ற முடியவில்லை என்றாா் அவா். பாஜக வேட்பாளா் ஆ.நமச்சிவாயம் உள்ளிட்டோா் உடனிருந்தனா்.