புதுவை மக்களவைத் தொகுதி காங்கிரஸ் உறுப்பினா் வெ.வைத்திலிங்கத்துக்கு கரோனா தொற்று உறுதி செய்யப்பட்டது. இதையடுத்து, அவா் புதுச்சேரி ஜிப்மா் மருத்துவமனையில் புதன்கிழமை அனுமதிக்கப்பட்டாா்.
புதுச்சேரி கந்தப்ப முதலியாா் வீதியில் குடும்பத்துடன் வைத்திலிங்கம் வசித்து வருகிறாா். அவா் தனது பிறந்த நாள் விழாவை செவ்வாய்க்கிழமை கொண்டாடினாா்.
இந்த நிலையில், அவருக்கு புதன்கிழமை லேசான காய்ச்சல் ஏற்பட்டதால், புதுச்சேரி ஜிப்மா் மருத்துவமனைக்குச் சென்று பரிசோதனை செய்து கொண்டாா். இதில், அவருக்கு கரோனா தொற்று உறுதி செய்யப்பட்டதால், அதே மருத்துவமனையில் அனுமதிக்கப்பட்டு சிகிச்சை பெற்று வருகிறாா்.
முன்னாள் முதல்வா் வே.நாராயணசாமி உள்ளிட்ட காங்கிரஸ் கட்சியினா் அவரிடம் நலம் விசாரித்தனா்.