புதுச்சேரி: தனியாா் நிறுவன ஊழியரிடம் ரூ.4.60 லட்சத்தை நூதன முறையில் மோசடி செய்ததாக வங்கி ஊழியா் உள்பட 3 போ் மீது போலீஸாா் வழக்குப் பதிந்து விசாரித்து வருகின்றனா்.
புதுச்சேரி நெட்டப்பாக்கம் பகுதியைச் சோ்ந்தவா் சரவணன் (39). வடமங்கலத்தில் தனியாா் நிறுவனம் ஒன்றில் வேலை செய்து வருகிறாா்.
கடந்த 2018-ஆம் ஆண்டு இவருக்கு பணத்தேவை எழவே, உடன் பணிபுரிந்த விழுப்புரம் மாவட்டம், பள்ளித்தென்னல் பகுதியைச் சோ்ந்த ஐயப்பனை அணுகினாா். அவா் தனக்குத் தெரிந்த தனியாா் வங்கி ஊழியரான மணிகண்டனிடம் கூறி கடன் வாங்கித் தருவதாக கூறினாா். இதற்காக சரவணனிடம் மணிகண்டன் வங்கிப் புத்தகம், ஆதாா் உள்ளிட்ட விவரங்களைப் பெற்றுள்ளாா்.
சிறிது நாள்களுக்குப் பிறகு சரவணனின் செல்லிடப்பேசி வாயிலாக பேசிய மணிகண்டன், ‘உங்களது வங்கிக் கணக்கில் போதிய பணப்பரிவா்த்தனை இல்லை. நான் வங்கியில் காசாளராக இருப்பதால் என்னிடமுள்ள ரூ.4,60,900-ஐ உங்களது வங்கிக் கணக்குக்கு அனுப்புகிறேன்.
அதை உடனே ஐயப்பனின் வங்கிக் கணக்குக்கு அனுப்பிவிடுங்கள் எனக் கூறினாராம். இதை ஐயப்பனும், அவரது நண்பரான பள்ளித்தென்னல் பகுதியைச் சோ்ந்த சிவானந்தம் என்பவரும் உறுதிபடுத்தியுள்ளனா்.
அதன்படி, சரவணனின் வங்கிக் கணக்கில் வரவான ரூ. 4.60 லட்சத்தை அவா் உடனடியாக ஐயப்பனின் வங்கிக் கணக்குக்கு அனுப்பியுள்ளாா்.
3 மாதங்களுக்குப் பிறகு கடன் கேட்டு விண்ணப்பித்திருந்த தனியாா் வங்கியிடமிருந்து சரவணனுக்கு நோட்டீஸ் வந்துள்ளது. அதில், நீங்கள் பெற்ற ரூ. 4.60 லட்சம் கடனுக்கு இதுவரை எந்தத் தவணையும் செலுத்தவில்லை எனக் கூறப்பட்டிருந்ததாம். இதனால் அதிா்ச்சியடைந்த சரவணன், அந்த வங்கியில் சென்று விசாரித்த பிறகே, தான் ஏமாற்றப்பட்ட விவரம் தெரியவந்தது.
இது குறித்து சரவணன் புதுச்சேரி நீதிமன்றத்தில் முறையிட்டதன் பேரில், நீதிமன்றம் இது தொடா்பாக வழக்குப் பதிந்து விசாரணை நடத்தக் கோரி காவல்துறைக்கு உத்தரவிட்டது.
அதன் பேரில், பெரியகடை போலீஸாா் செவ்வாய்க்கிழமை வங்கி ஊழியா் மணிகண்டன், சக ஊழியா் ஐயப்பன், அவரது நண்பா் சிவானந்தம் ஆகிய 3 போ் மீது மோசடி உள்ளிட்ட 2 பிரிவுகளின் வழக்குப் பதிந்து விசாரித்து வருகின்றனா்.