மாணவா்கள் கலந்துரையாடல்

புதுச்சேரி அமலோற்பவம் மேல்நிலைப்பள்ளி மற்றும் அமலோற்பவம் லூா்து அகாதெமி மாணவா்கள், இஸ்ரோ முன்னாள் இயக்குநா் மயில்சாமி அண்ணாதுரையுடன் கலந்துரையாடினா்.

புதுச்சேரிக்கு சமீபத்தில் வந்த மயில்சாமி அண்ணாதுரை அமலோற்பவம் மேல்நிலைப் பள்ளி நிகழ்ச்சியிலும் பங்கேற்றாா்.

அப்போது பள்ளி மாணவா்கள், விண்வெளி ஆய்வு தொடா்பான பல்வேறு வினாக்களை அவரிடம் கேட்டு தெளிவு பெற்றனா்.

இந்நிகழ்ச்சியில் அவரது உருவத்தை மாணவா்கள் ஓவியமாக வரைந்து அவருக்கு அளித்தனா். முன்னதாக அமலோற்பவம் மேல்நிலைப்பள்ளி மற்றும் அமலோற்பவம் லூா்து அகாதெமி கல்வி நிறுவனங்களின் தாளாளரும், முதுநிலை முதல்வருமான ச. அ.லூா்துசாமி வரவேற்று கெளரவித்தாா்.