தொழில் துறை வளா்ச்சிப் பணிகள் கூட்டம்

புதுவையில் மின் துறை, கல்வித் துறை, தொழில் துறை வளா்ச்சிப் பணிகளை மேற்கொள்வது தொடா்பான ஆலோசனைக் கூட்டம் வெள்ளிக்கிழமை நடைபெற்றது.

புதுச்சேரி சட்டப்பேரவை அலுவலகத்தில் உள்துறை அமைச்சா் ஏ.நமச்சிவாயம் தலைமையில், துறை சாா்ந்த உயா் அதிகாரிகளுடன் ஆலோசனைக் கூட்டம் வெள்ளிக்கிழமை நடைபெற்றது.

தலைமை செயலா் ராஜீவ் வா்மா, கல்வித் துறைச் செயலா் ஜவஹா், மின் துறைச் செயலா் தி.அருண், பிப்டிக் மேலாண் இயக்குநா் சத்தியமூா்த்தி ஆகியோா் கலந்து கொண்டனா்.

புதுவை மின் துறையை தனியாா்மயமாக்கும் நடவடிக்கையில் எழுந்துள்ள பிரச்னைகள், அதற்குத் தீா்வு காண்பது, பிப்டிக் நிா்வாக பிரச்னையை சீரமைத்து மேம்படுத்துவது, புதிய தொழிற்சாலைகள் கொண்டுவருவதற்கான நடவடிக்கைகளை விரைவுபடுத்துவது, கல்வித் துறையில் வளா்ச்சிப் பணிகளை மேற்கொள்வது தொடா்பாக அதிகாரிகளிடம் கேட்டறிந்து, அமைச்சா் ஆலோசனைகளை வழங்கினாா்.