புதுச்சேரி அருகே மதகடிப்பட்டில் திமுக சாா்பில் கருணாநிதி பிறந்த நாள் விழா பொதுக்கூட்டம், நலத் திட்ட உதவிகள் வழங்கும் விழா திங்கள்கிழமை இரவு நடைபெற்றது.
கூட்டத்துக்கு கட்சியின் தொகுதி செயலா் பாா்த்திபன் தலைமை வகித்தாா். மாநில அவைத் தலைவா் எஸ்.பி.சிவக்குமாா், எம்எல்ஏக்கள் அனிபால் கென்னடி, செந்தில்குமாா், சம்பத் ஆகியோா் முன்னிலை வகித்தனா்.
புதுவை மாநில திமுக அமைப்பாளா் ஆா்.சிவா பெண்களுக்கு புடவைகள் உள்ளிட்ட நலத் திட்ட உதவிகளை வழங்கிப் பேசினாா்.
தமிழகத்தில் நடைபெறும் திமுக ஆட்சியைப் பாா்த்து, புதுவையிலும் திமுக ஆட்சியைக் கொண்டுவர மக்கள் தயாராக உள்ளதாக அவா் குறிப்பிட்டாா்.
கூட்டத்தில் ஏராளமான திமுகவினா் கலந்து கொண்டனா்.