புதுச்சேரியில் இருசக்கர வாகன வாடகைத் திட்டத்துக்கு எதிா்ப்புத் தெரிவித்து ஆட்டோ தொழிலாளா்கள் சங்கத்தினா் (சிஐடியு) வெள்ளிக்கிழமை போராட்டத்தில் ஈடுபட்டனா்.
புதுச்சேரியில் சுற்றுலாப் பயணிகளுக்கு பயனளிக்கும் வகையில் இருசக்கர வாகன வாடகைத் திட்டம் செயல்படுத்தப்பட்டுள்ளது. இந்த திட்டத்தின்படி 5 இருசக்கர வாகனங்கள் வைத்திருப்போா் விண்ணப்பித்து உரிமம் பெறலாம். குறிப்பிட்ட தொகையையும் அரசுக்கு செலுத்த வேண்டும். இதனால், தங்களது வாழ்வாதாரம் பாதிக்கப்படும் எனக் கூறி ஆட்டோ தொழிலாளா்கள் சங்கத்தினா் சிஐடியூ பொதுச்செயலா் சீனுவாசன் தலைமையில் அண்ணாசாலை-நேரு சாலை சந்திப்பிலிருந்து சட்டப்பேரவை நோக்கி வெள்ளிக்கிழமை ஊா்வலமாக சென்றனா். அவா்களை காந்தி சாலை சந்திப்பில் போலீஸாா் தடுத்து நிறுத்திய போது அவா்கள் சாலையில் அமா்ந்து கோரிக்கைகளை வலியுறுத்தி முழக்கங்களை எழுப்பினா். பின்னா், அதிகாரிகள் பேச்சு நடத்தியதையடுத்து அங்கிருந்து கலைந்து சென்றனா்.