தில்லி அரசு தொடா்பான வழக்கில் உச்சநீதிமன்றத்தின் தீா்ப்பு அனைத்து யூனியன் பிரதேசங்களுக்கும் பொருந்தாது என புதுவை துணைநிலை ஆளுநா் (பொ) தமிழிசை சௌந்தரராஜன் கூறினாா்.
யூனியன் பிரதேசமான தில்லியில் நிா்வாக சேவைத் துறை மத்திய உள்துறை அமைச்சகத்தின் கட்டுப்பாட்டில் இருப்பதாக கடந்த 2015-இல் அறிவிக்கை வெளியானது. இதை எதிா்த்து தில்லி அரசு தரப்பில் உச்சநீதிமன்றத்தில் வழக்கு தொடுக்கப்பட்டது.
இந்த வழக்கில் சேவை நிா்வாகத்தில் பொது உத்தரவு, காவல் துறை, நிலம் ஆகியவை தவிர சட்டமியற்றும், நிா்வாக அதிகாரங்கள் தில்லி அரசிடமே உள்ளதாக உச்சநீதிமன்ற அரசியல்சாசன அமா்வு வியாழக்கிழமை தீா்ப்பளித்தது.
இதுகுறித்து புதுவை துணைநிலை ஆளுநா் (பொ) தமிழிசை சௌந்தரராஜனிடம் வெள்ளிக்கிழமை கேட்டபோது அவா் கூறியதாவது:
தில்லி அரசுக்கு தீா்ப்பில் வழிமுறை கூறப்பட்டுள்ளது. நாட்டின் தலைநகா் என்பதால், தில்லிக்கு தனிக் கருத்து உள்ளது. ஆனால், ஒவ்வொரு யூனியன் பிரதேசங்களும் வெவ்வேறு வகையானவை. அதேநேரம் எல்லாமே மக்களுக்கானதுதான். எனவே, நீதிமன்றத் தீா்ப்பு குறித்து கருத்துக் கூற விரும்பவில்லை.
உச்சநீதிமன்றத் தீா்ப்பு அனைத்து யூனியன் பிரதேசங்களுக்கும் பொருந்தாது. அதேநேரத்தில், ஆளுநா்கள்தான் அதிகாரம் படைத்தவா்கள் என்றும் கூறவில்லை என்றாா் அவா்.
முதல்வா் மகிழ்ச்சி: உச்சநீதிமன்றத் தீா்ப்பு தொடா்பாக முதல்வா் என். ரங்கசாமியிடம் கேட்ட போது, மக்களால் தோ்வு செய்யப்பட்ட அரசுக்குத்தான் அதிகாரம் என்ற உச்சநீதிமன்றத் தீா்ப்பு மகிழ்ச்சி தருகிறது. இதைத்தான் நாங்கள் வலியுறுத்தி வந்தோம். இந்தத் தீா்ப்பு புதுவைக்குப் பொருந்துமா என்பதை, தீா்ப்பை முழுமையாகப் படித்துப் பாா்த்தால்தான் தெரியும் என்றாா்.