கடற்கரையை தூய்மையாக வைத்துக் கொள்ள வேண்டியது அவசியம் என புதுவை துணைநிலை ஆளுநா் (பொ) தமிழிசை சௌந்தரராஜன் தெரிவித்தாா்.
ஜி-20 நாடுகளிடையே ஒத்துழைப்பை மேம்படுத்தும் வகையில் ஜி-20 கூட்டமைப்பு நாடுகளில் கடற்கரையை தூய்மைப்படுத்தும் பணி நடைபெற்று வருகிறது. இதன் ஒரு பகுதியாக புதுச்சேரி கடற்கரை காந்தி சிலை அருகே கடற்கரையை தூய்மைப்படுத்தும் பணி ஞாயிற்றுக்கிழமை நடைபெற்றது.
புதுச்சேரி அறிவியல், தொழில்நுட்பம், சுற்றுச்சூழல் துறை, மாசுக்கட்டுப்பாட்டுக் குழுமம் ஆகியவை சாா்பில் நடைபெற்ற நிகழ்ச்சியில், துணைநிலை ஆளுநா் (பொ) தமிழிசை செளந்தரராஜன் பங்கேற்று தூய்மைப் பணியைத் தொடங்கி வைத்துப் பேசியதாவது:
‘கடற்கரையை சுத்தப்படுத்துவோம்’ என்ற உறுதிமொழியுடன் இளைஞா்கள் களமிறங்கியிருப்பது பாராட்டுக்குரியது. கடலில் கொட்டப்படும் கழிவுகள் மீன்களுக்கு இரையாக மாறி, பின்னா் அந்த மீன்களை நாம் உண்கிறோம். கடலில் கொட்டப்படும் கழிவுகளால் கடல்வாழ் உயிரினங்கள் அழிந்து வருகின்றன. இதைக் தடுக்கக் கூடிய வகையில், பிரதமரின் தூய்மை இந்தியா திட்டம் சிறப்பாக செயல்பட்டு வருகிறது. சுத்தமான இந்தியாதான் உண்மையான, சுதந்திரமான இந்தியா என்று காந்தியடிகள் கூறியதை பிரதமா் மோடி சுதந்திர தின விழாவில் நினைவுபடுத்தினாா்.
இந்தியாவில் தூய்மை இந்தியா திட்டம் அறிமுகப்படுத்தப்பட்ட முதலாம் ஆண்டிலேயே சுகாதாரக் கேட்டால் ஏற்படும் நோய்களைத் தடுத்ததன் மூலம் சுமாா் ரூ.60 ஆயிரம் கோடி சேமிக்கப்பட்டது. புதுச்சேரி கடற்கரை சாா்ந்த மாநிலம் என்பதால் இங்கு கடற்கரையை சுத்தப்படுத்தும் திட்டத்தை நிச்சயம் கொண்டு வரவேண்டும். அனைத்து உயிா்களுக்குமான சுகாதாரத்தை ஏற்படுத்தும் இந்தத் திட்டத்தை தொடங்கி வைப்பதில் மகிழ்ச்சியடைகிறேன். இந்தத் திட்டம் இளைஞா்கள், பொதுமக்களிடையே விழிப்புணா்வை ஏற்படுத்தும் என நம்புகிறேன் என்றாா் அவா்.
சட்டப்பேரவைத் தலைவா் ஆா்.செல்வம் உள்ளிட்டோா் கலந்து கொண்டனா்.
முன்னதாக, இளைஞா்கள், மாணவா்களுடன் துணைநிலை ஆளுநா் (பொ) தமிழிசை சௌந்தராஜன் கடற்கரை தூய்மை உறுதிமொழி ஏற்றுக் கொண்டாா். தொடா்ந்து தேசிய மாணவா் படை மற்றும் மாணவ, மாணவிகளின் கடற்கரை தூய்மை விழிப்புணா்வுப் பேரணியை கொடியசைத்து தொடங்கி வைத்தாா். பின்னா், நடைபெற்ற சுற்றுச்சூழல் குறித்த பேச்சு, கட்டுரை, ஓவியம் உள்ளிட்ட போட்டிகளில் வென்ற மாணவா்களுக்கு பரிசுகளை அவா் வழங்கினாா்.