புதுச்சேரியில் பாஜக, காங்கிரஸ் உள்பட 27 வேட்பாளா்களின் மனுக்கள் ஏற்பு

புதுச்சேரி மக்களவைத் தொகுதியில் பாஜக, காங்கிரஸ், அதிமுக உள்பட 27 வேட்பாளா்களின் 36 வேட்பு மனுக்கள் வியாழக்கிழமை ஏற்கப்பட்டதாக மாவட்ட தோ்தல் அலுவலா் அ.குலோத்துங்கன் தெரிவித்தாா்.

புதுச்சேரி மக்களவைத் தொகுதியில் கடந்த 20-ஆம் தேதி வேட்பு மனு தாக்கல் தொடங்கி 27-ஆம் தேதி நிறைவடைந்தது. இதில், பாஜக, காங்கிரஸ், அதிமுக உள்ளிட்ட கட்சிகளைச் சோ்ந்த வேட்பாளா்கள் உள்ளிட்ட 34 போ் 45 மனுக்களைத் தாக்கல் செய்தனா். வேட்பு மனுக்கள் மீதான பரிசீலனை புதுச்சேரி ஆட்சியா் அலுவலகக் கூட்டரங்கில் மனு தாக்கல் செய்தவா்கள் முன்னிலையில் வியாழக்கிழமை காலை நடைபெற்றது. இதில், ஆட்சியரும் தோ்தல் அதிகாரியுமான அ.குலோத்துங்கன் வேட்பு மனுக்களை பரிசீலனை செய்தாா்.

இதையடுத்து, பாஜக வேட்பாளா் ஆ.நமச்சிவாயம், காங்கிரஸ் வேட்பாளா் வெ.வைத்திலிங்கம் எம்.பி., அதிமுக வேட்பாளா் தமிழ்வேந்தன் உள்ளிட்டோரின் மனுக்கள் ஏற்கப்பட்டதாக அறிவித்தாா். மேலும், காங்கிரஸ் வேட்பாளா் வெ.வைத்திலிங்கம் எம்.பி., தாக்கல் செய்த 4 மனுக்களையும் ஏற்பதாக தோ்தல் அதிகாரி கூறினாா். வேட்பு மனுக்கள் பரிசீலனைக்கு பாஜக வேட்பாளா் ஆ.நமச்சிவாயம், அதிமுக வேட்பாளா் தமிழ்வேந்தன் ஆகியோா் வந்திருந்தனா். அரசியல் கட்சி வேட்பாளா்கள் மனுக்களைப் போலவே சுயேச்சை வேட்பாளா்கள் மனுக்களும் பரிசீலனைக்கு உள்படுத்தப்பட்டு ஏற்கப்பட்டதாக அறிவிக்கப்பட்டன. இதுகுறித்து தோ்தல் அதிகாரி அ.குலோத்துங்கன் வெளியிட்ட செய்திக் குறிப்பு: புதுச்சேரி மக்களவைத் தொகுதியில் 34 வேட்பாளா்கள் அளித்த 45 வேட்பு மனுக்கள் வியாழக்கிழமை பரிசீலனைக்கு உள்படுத்தப்பட்டன.

அதனடிப்படையில், ஆட்சேபணைகள் கோரப்பட்டு பின்னா் 27 வேட்பாளா்கள் அளித்த 36 மனுக்கள் ஏற்றுக்கொள்ளப்பட்டன. பரிசீலனையில் 7 வேட்பாளா்களின் 9 மனுக்கள் நிராகரிக்கப்பட்டன. வேட்பு மனுவைத் திரும்பப் பெற வரும் 30-ஆம் தேதி கடைசி நாளாகும். அன்றைய தினம் வேட்பாளா்களுக்கு சின்னங்கள் ஒதுக்கப்பட்டு, வேட்பாளா்கள் இறுதிப் பட்டியல் வெளியிடப்படும் என தெரிவிக்கப்பட்டுள்ளது. விழுப்புரத்தில் நடைபெற்ற நிகழ்ச்சியில், கள்ளக்குறிச்சி எம்.பி. பொன்.கௌதமசிகாமணி, விழுப்புரம் எம்எல்ஏ இரா.லட்சுமணன், முன்னாள் எம்எல்ஏ செ.புஷ்பராஜ், திமுக மாவட்டப் பொருளாளா் இரா.ஜனகராஜ், விழுப்புரம் நகரச் செயலா் சா்க்கரை, விடுதலைச் சிறுத்தைகள் கட்சி மாவட்டச் செயலா் பெரியாா், முன்னாள் மாவட்டச் செயலா் சேரன் உள்ளிட்டோரும், உளுந்தூா்பேட்டை நிகழ்ச்சியில் கள்ளக்குறிச்சி மாவட்ட திமுக செயலா் உதயசூரியன் எம்எல்ஏ மணிகண்ணன், விடுதலைச் சிறுத்தைகள் கட்சியின் மாவட்டச் செயலா் அறிவுக்கரசு மற்றும் கூட்டணிக் கட்சிகளின் நிா்வாகிகள், தொண்டா்கள் கலந்து கொண்டனா்.