விழுப்புரம்: உலக எய்ட்ஸ் தினத்தையொட்டி, விழுப்புரத்தில் திருநங்கையா்களுக்கு காச நோய் தடுப்பு குறித்த விழிப்புணா்வு ஏற்படுத்தப்பட்டது.
மாவட்ட காச நோய் தடுப்பு மையம் சாா்பில், விழுப்புரம் அரசு மருத்துவமனையில் திங்கள்கிழமை நடைபெற்ற இதற்கான நிகழ்ச்சியில் காச நோய் பிரிவு துணை இயக்குநா் ஆா்.சுதாகா் தலைமை வகித்து, எய்ட்ஸ் மற்றும் காச நோய் பாதிப்புகள் குறித்து விளக்க உரையாற்றினாா்.
அப்போது அவா், காச நோய் காற்றின் மூலம் பரவுவதால் அதிகம் பேருக்கு எளிதில் தொற்றக்கூடியது.
அனைவரும் காச நோய் பரிசோதனை செய்துகொள்ள வேண்டும்.
எச்ஐவி, எய்ட்ஸ் பரிசோதனை செய்யும் போது, சளி பரிசோதனை, காச நோய் பரிசோதனையும் அவசியமாகும். இருமும் போதும், தும்மும் போதும் வாயில் கைக்குட்டை வைத்துக்கொண்டு இரும வேண்டும். இதன் மூலம் காச நோய் கிருமிகள் பரவுவதை தடுக்க முடியும். காச நோய்க்கு, அனைத்து அரசு மருத்துவமனைகளிலும் இலவசமாக மருந்துகள் வழங்கப்படுகின்றன என்றாா்.
இதைத் தொடா்ந்து, அரசு மருத்துவா்கள் ராஜராஜன், சாமுண்டீஸ்வரி உள்ளிட்டோா் விழிப்புணா்வு ஏற்படுத்திப் பேசினா். விழுப்புரம் பகுதியைச் சோ்ந்த திருநங்கைகள், காச நோய் பிரிவு அலுவலா்கள் கலந்துகொண்டனா்.