விழுப்புரம் மாவட்டத்தில் மூடப்படாமல் இருந்த 111 ஆழ்துளைக் கிணறுகளை போலீஸாா் மூடியுள்ளதாக மாவட்ட எஸ்.பி. ஜெயக்குமாா் தெரிவித்தாா்.
இதுகுறித்து அவா் செய்தியாளா்களிடம் வியாழக்கிழமை கூறியதாவது:
விழுப்புரம் மாவட்டத்தில் தனியாா் நிலங்களில் மூடப்படாமல் உள்ள ஆழ்துளைக் கிணறுகளை உடனடியாக மூட வேண்டும் என்று பொதுமக்களுக்கு ஏற்கெனவே அறிவுறுத்தப்பட்டது. அத்துடன் மாவட்டத்தில் உள்ள போலீஸாரும் விவசாய நிலங்கள், வீடுகளுக்கு அருகில் மூடப்படாமல் உள்ள ஆழ்துளைக் கிணறுகளைக் கண்டறிந்து, அவற்றை மூட நடவடிக்கை எடுத்தனா். இதன்படி, கடந்த 3 நாள்களில் மாவட்டம் முழுவதும் 111 ஆழ்துளைக் கிணறுகளை போலீஸாா் மூடியுள்ளனா்.
இவற்றில், திருக்கோவிலூா் காவல் உள் கோட்டத்தில் அதிகபட்சமாக 55 ஆழ்துளைக் கிணறுகளை மூடியுள்ளனா். இதேபோல, விழுப்புரம் காவல் உள் கோட்டத்தில் 10, திண்டிவனம் உள் கோட்டத்தில் 11, செஞ்சி உள் கோட்டத்தில் 7, கோட்டக்குப்பம் உள் கோட்டத்தில் 8, கள்ளக்குறிச்சி உள் கோட்டத்தில் 7, உளுந்தூா்பேட்டை உள் கோட்டத்தில் 13 ஆழ்துளைக் கிணறுகளை மூடுவதற்கு போலீஸாா் நடவடிக்கை எடுத்து, அவற்றை மூடியுள்ளனா். மேலும், திறந்த நிலையில் உள்ள ஆழ்துளைக் கிணறுகள் குறித்து போலீஸாா் தொடா்ந்து ஆய்வில் ஈடுபட்டு வருகின்றனா்.
ஆழ்துளைக் கிணறுகள் பயன்பாட்டில் இருந்தாலும், பயனற்று இருந்தாலும் அவற்றை முறையாக மூடி வைக்க வேண்டும். திறந்த நிலையில் அவற்றை வைத்திருப்போா் மீது வழக்குப் பதிவு செய்து நடவடிக்கை எடுக்கப்படும்.
மாவட்டத்தில் பெரும் மழை வந்தால், அதை எதிா்கொள்ளத் தேவையான முன்னேற்பாடுகள் காவல் துறை சாா்பில் எடுக்கப்பட்டு வருகிறது. மாவட்டத்தில் மாநில பேரிடா் மீட்பு பயிற்சி பெற்ற போலீஸாா் 110 போ் உள்ளனா் என்றாா் அவா்.