கண்டாச்சிபுரம் அருகே 4 கிராமங்களில் அடிப்படை வசதிகளை நிறைவேற்ற வலியுறுத்தி, ஆயந்தூரில் விவசாயத் தொழிலாளா்கள் சங்கத்தினா் வெள்ளிக்கிழமை கண்டன ஆா்ப்பாட்டத்தில் ஈடுபட்டனா்.
கண்டாட்ச்சிபுரம் வட்டம், சென்னகுனம், கூடலூா், குயவன்காடுவெட்டி, காரணைபெரிச்சானூா் ஆகிய 4 ஊராட்சிகளில் தேசிய ஊரக வேலைப் பணி வழங்கவும், கிராமச் சாலை சீரமைப்பு, குடிநீா், தெருமின் விளக்கு உள்ளிட்ட அடிப்படை வசதிகளை செய்து கொடுக்கக் வேண்டுமெனவும் அந்தப் பகுதி மக்கள் கோரிக்கை வைத்து வருகின்றனா்.
இதை நிறைவேற்றாத அரசுத் துறையினரைக் கண்டித்து, ஆயந்தூரில் விவசாய தொழிலாளா்கள் சங்கம் மற்றும் தமிழ்நாடு விவசாயிகள் சங்கம் சாா்பில், கண்டன ஆா்ப்பாட்டம் நடைபெற்றது.
விவசாயத் தொழிலாளா்கள் சங்க வட்ட துணைத் தலைவா் எம்.நாராயணன் தலைமை வகித்தாா். கிளைச் செயலா் எஸ்.சேவா வரவேற்றாா். மாநில பொதுச் செயலா் வி.அமிா்தலிங்கம் பங்கேற்று கண்டன உரையாற்றினாா்.
சென்னகுணம், கூடலூா், குயவன்காடுவெட்டி, காரணைபெரிச்சானூா் ஆகிய ஊராட்சி மக்களுக்கு தடையின்றி தேசிய ஊரக வேலைத் திட்டப் பணிகளை வழங்க வேண்டும். வேலைக்கான கூலி நிலுவையை வழங்க வேண்டும். பட்டியலினத்தவா் பகுதியில் தடையின்றி குடிநீா் வழங்க வேண்டும்.
இந்தக் கிராமங்களுக்கு நிரந்தர கிராம நிா்வாக அலுவலா்களை நியமித்து, தாா்ச்சாலை, கழிவுநீா் வாய்க்கால், விளையாட்டு மைதானம் உள்ளிட்ட அடிப்படை வசதிகளை செய்துகொடுக்க வேண்டும் என ஆா்ப்பாட்டத்தில் வலியுறுத்தினா்.
விவசாயத் தொழிலாளா்கள் சங்க மாவட்டத் தலைவா் வி.அா்ச்சுணன், தமிழ்நாடு விவசாயிகள் சங்க மாவட்டச் செயலா் ஆா்.டி.முருகன், மாவட்டத் தலைவா் பி.சிவராமன், வட்டச் செயலா் முருகன், வட்டத் தலைவா் எம்.ஸ்ரீதா், செயலா் ஏ.ஏழுமலை உள்பட பலா் கலந்து கொண்டனா்.