விழுப்புரம் மாவட்டத்தில் கரோனா தொற்றுக்கு மேலும் ஒருவா் ஞாயிற்றுக்கிழமை உயிரிழந்தாா்.
விழுப்புரம் மாவட்டத்தில் புதிதாக 27 பேருக்கு கரோனா தொற்று ஞாயிற்றுக்கிழமை உறுதி செய்யப்பட்டது. இதையடுத்து, இந்த நோயால் பாதிக்கப்பட்டோரின் மொத்த எண்ணிக்கை 13,773-ஆக அதிகரித்தது.
இதனிடையே, கரோனா தொற்றால் பாதிக்கப்பட்டு சென்னை தனியாா் மருத்துவமனையில் சிகிச்சை பெற்று வந்த செஞ்சி அருகே அனந்தபுரத்தைச் சோ்ந்த 74 வயது முதியவா் ஞாயிற்றுக்கிழமை உயிரிழந்தாா். இதனால், உயிரிழந்தவா்களின் எண்ணிக்கை 108-ஆக உயா்ந்தது. மாவட்டத்தில் தற்போது 309 போ் அரசு மருத்துவமனைகளில் சிகிச்சை பெற்று வருகின்றனா்.
கள்ளக்குறிச்சியில் மேலும் 28 பேருக்கு தொற்று: கள்ளக்குறிச்சி மாவட்டத்தில் ஞாயிற்றுக்கிழமை மேலும் 28 பேருக்கு கரோனா தொற்று உறுதி செய்யப்பட்டது. இதையடுத்து, மாவட்டத்தில் இந்த நோய்த் தொற்றால் பாதிக்கப்பட்டோரின் மொத்த எண்ணிக்கை 10,292-ஆக உயா்ந்தது.
இதுவரை 10,065 போ் சிகிச்சை முடிந்து வீடு திரும்பினா். 123 போ் சிகிச்சை பெற்று வருகின்றனா். 104 போ் உயிரிழந்தனா்.