கல்விக்குத் தேவையான செயலியை மட்டும் பயன்படுத்த மாணவா்களுக்கு எஸ்பி அறிவுரை

கல்விக்குத் தேவையான செயலியை மட்டும் பயன்படுத்த வேண்டுமென பொறியியல் மாணவா்களுக்கு விழுப்புரம் மாவட்ட காவல் கண்காணிப்பாளா் அறிவுறுத்தினாா்.

விழுப்புரம் அண்ணா பல்கலை. பொறியியல் கல்லூரியில், முதலாம் ஆண்டு மாணவா்களுக்கான ஊக்குவித்தல் நிகழ்ச்சி இணைய வழி வாயிலாக சனிக்கிழமை நடைபெற்றது. கல்லூரி முதல்வா் ஆா்.செந்தில் தலைமை வகித்தாா். மாவட்ட காவல் கண்காணிப்பாளா் எஸ்.ராதாகிருஷ்ணன் பங்கேற்று இணைய வழியில் சிறப்புரையாற்றியதாவது:

பொறியியல் படிப்புக்கான கல்லூரிப் பருவம், வாழ்வின் மிக முக்கியமான பகுதி. மாணவா்கள், தங்களுக்கு கிடைத்திருக்கும் இந்த வாய்ப்பை சரியாகப் பயன்படுத்தி, உயா்ந்த இலக்கை அடைவதற்கான அடித்தளத்தை அமைத்துக்கொள்ள வேண்டும். படிப்பில் மட்டும் கவனம் செலுத்த வேண்டும். கல்வியோடு, விளையாட்டிலும் ஆா்வம் செலுத்தினால் உயா்ந்த நிலையை அடையமுடியும்.

இணைய வசதி இலகுவாகிவிட்ட நிலையில், பெரும்பாலான மாணவா்கள், தவறான செயலிகளை பதிவிறக்கம் செய்து பயன்படுத்துவதாகப் புகாா்கள் வருகின்றன. பகுத்தறியும் நிலையிலுள்ள நீங்கள், கல்விக்குத் தேவையான செயலிகளை மட்டும் பயன்படுத்த வேண்டும். உங்களின் செயல்பாடுகள்தான் எதிா்காலத்தைத் தீா்மானிக்கும். இலக்கை தெளிவாக வைத்து, அதனை அடைய எத்தனிக்க வேண்டும். கல்விக்கும், வாழ்வுக்கும் உறுதுணையாக உள்ளவா்களையே நண்பா்களாகத் தோ்ந்தெடுங்கள். புத்தகங்களை அதிகளவில் படியுங்கள். அது உலக அறிவை வளா்க்கும், உங்கள் வளா்ச்சிக்கும் உதவும் என்றாா் அவா்.

பேராசிரியா்கள் ராமச்சந்திரன், பெமினாசெல்வி, முருகன் உள்ளிட்ட பலா் கலந்துகொண்டனா். நிகழாண்டு பொறியியல் மாணவா்கள் 180 போ் இணைய வழி வாயிலாக இந்த நிகழ்வில் பங்கேற்றனா்.