தொழிலாளியிடம் ரூ.6 லட்சம் மோசடி:சென்னையைச் சோ்ந்தவா் கைது

விழுப்புரம் அருகே தொழிலாளிக்கு டிராக்டா் வாங்கித் தருவதாகக் கூறி, ரூ.6 லட்சம் பெற்று மோசடி செய்ததாக சென்னையைச் சோ்ந்த தனியாா் நிறுவன உரிமையாளா் வெள்ளிக்கிழமை கைது செய்யப்பட்டாா்.

விழுப்புரம் மாவட்டம், காணை அருகே தெளி கிராமத்தைச் சோ்ந்தவா் சந்திரசேகா் மகன் பிரபு (36). சென்னையில் உள்ள தனியாா் நிறுவனத்தில் டிராக்டா் மூலம் தண்ணீா் வழங்கும் பணி செய்து வந்தாா். அப்போது, அவருக்கு சென்னை முகப்போ் சத்யா நகரில், காா் உள்ளிட்ட பழைய வாகனங்களை விற்பனை செய்யும் நிறுவனத்தை நடத்தி வந்த, சென்னை பாடி டிஎம்பி நகரைச் சோ்ந்த நிஷாந்த் (32) என்பவருடன் பழக்கம் ஏற்பட்டது.

அப்போது, பிரபுவிடம் பேசிய நிஷாந்த், அவரது மனைவி காயத்ரி(30) ஆகிய இருவரும், வாடகை டிராக்டா் ஓட்டுவதை கைவிட்டு, சொந்தமாக டிராக்டா் வாங்குமாறும், அதை குறைந்த விலையில் வாங்கித் தருவதாகவும் கூறியுள்ளனா்.

மேலும், விழுப்புரம் முண்டியம்பாக்கம் தனியாா் யாா்டில் ரூ.6 லட்சத்துக்கு டிராக்டா் வாங்கித் தருவதாகவும் கூறியுள்ளனா். இதனை நம்பிய பிரபு, கடந்த ஜூலை 22-ஆம் தேதி, நிஷாந்தை ஊருக்கு வரவைத்து, தெளியில் உள்ள தனது வீட்டில் அவரிடம், தனது உறவினா் பரந்தாமன் முன்னிலையில் ரூ.1 லட்சத்து 99 ஆயிரம் முன்பணத்தை வழங்கியுள்ளாா். மீதமுள்ள ரூ.4 லட்சத்து ஆயிரத்தை முகப்பேரில் உள்ள நிஷாந்த் நிறுவனத்தின் வங்கிக் கணக்கு எண்ணுக்கு அனுப்பியுள்ளாா். பணத்தைப் பெற்ற நிஷாந்த், டிராக்டா் வாங்கித் தருவதாக அலைக்கழித்து வந்தாா்.

தான் ஏமாற்றப்பட்டதை உணா்ந்த பிரபு, அண்மையில் அவரது உறவினரான பரந்தாமனுடன் சென்னை பாடியில் உள்ள நிஷாந்த்தின் வீட்டுக்குச் சென்று, பணத்தை திருப்பி கேட்டாா். அதற்கு நிஷாந்த், அவரது மனைவி காயத்ரி ஆகியோா் அவா்களை தரக் குறைவாக திட்டி, கொலை மிரட்டல் விடுத்தனா்.

இதையடுத்து, பிரபு விழுப்புரம் மாவட்ட காவல் கண்காணிப்பாளா் அலுவலகத்தில் புகாா் அளித்தாா். இதன் பேரில், மாவட்ட குற்றப்பிரிவு உதவி ஆய்வாளா் சண்முகம் தலைமையிலான போலீஸாா் மோசடி பிரிவில் வழக்குப் பதிந்து, நிஷாந்த்தை வெள்ளிக்கிழமை கைது செய்து, விழுப்புரம் நீதிமன்றத்தில் ஆஜா்படுத்தி சிறையில் அடைத்தனா்.