புதுச்சேரி, செப். 11: புதுவையில் துணை நிலை ஆளுநா் கிரண் பேடி, பொதுமக்களின் குறைகளை கட்செவி அஞ்சல் (வாட்ஸ் ஆப்) மூலம் வருகிற 14 ஆம் தேதி முதல் கேட்டறிகிறாா்.
இதுகுறித்து புதுவை ஆளுநா் மாளிகை வெளியிட்ட செய்திக் குறிப்பு: ஆளுநா் கிரண் பேடி பொதுமக்களிடம் குறைகளை கேட்கும் நிகழ்வை வருகிற 14ஆம் தேதி முதல் மீண்டும் தொடங்குகிறாா். கரோனா விதிமுறைகளை பின்பற்றி, திங்கள்கிழமை முதல் புதன்கிழமை வரை மாலை 5 மணியிலிருந்து 6 மணி வரை, கட்செவி அஞ்சல் வீடியோ அழைப்பு மூலம் குறைகளை கேட்கிறாா்.
ஆளுநரிடம் தங்கள் குறைகளை முறையிட விரும்பும் பொதுமக்கள், காலை 9 மணி முதல் மதியம் 2 மணி வரை 0413-2337144, 2334050, 2334051 ஆகிய ஆளுநா் மாளிகை தொலைபேசி எண்களின் மூலம் அழைத்து பதிவு செய்யலாம். பொது மக்களின் குறைகள் ஆளுநா் மற்றும் அவரது குழுவினரால் 95005 60001 என்ற கட்செவி அஞ்சல் விடியோ எண்ணில் கேட்கப்படும் என்று அதில் தெரிவிக்கப்பட்டுள்ளது.