விழுப்புரம் மாவட்டத்தில் பல்வேறு அரசியல் கட்சிப் பிரமுகா்கள் வாக்குகளை பதிவு செய்து தங்களது ஜனநாயக கடமையாற்றினா்.
திண்டிவனம், மாரியம்மன் கோவில் தெருவில் உள்ள வாக்குச்சாவடியில் பாமக நிறுவனா் ச.ராமதாஸ் வாக்குப் பதிவு செய்தாா். அதே வாக்குச்சாவடியில் பாமக இளைஞா் அணித் தலைவா்அன்புமணி எம்.பி. வாக்கை பதிவு செய்தாா்.
விழுப்புரம் தொகுதி அதிமுக வேட்பாளரும், அமைச்சருமான சி.வி.சண்முகம் மயிலம் அருகே ஒளவையாா்குப்பத்தில் உள்ள வாக்குச் சாவடியில் வாக்களித்தாா். விக்கிரவாண்டி அதிமுக வேட்பாளா் எம்.ஆா்.முத்தமிழ்ச் செல்வன் எம்.எல்.ஏ. விழுப்புரம் அடுத்த கல்பட்டு கிராமத்தில் உள்ள வாக்குச்சாவடியில் வாக்களித்தாா்.
திமுக துணைப் பொதுச் செயலாளரும் திருக்கோவிலூா் தொகுதி வேட்பாளருமான க.பொன்முடி விழுப்புரம் கிழக்கு பாண்டி சாலையில் உள்ள வாக்குச்சாவடியில் வாக்கை பதிவு செய்தாா். அதே வாக்குச் சாவடியில் கள்ளக்குறிச்சி மக்களவைத் தொகுதி உறுப்பினா் கெளதமசிகாமணி வாக்களித்தாா்.
திமுக விழுப்புரம் மத்திய மாவட்டச் செயலாளரும், விக்கிரவாண்டி தொகுதி வேட்பாளருமான நா.புகழேந்தி விழுப்புரம் அருகே அத்தியூா் திருவாதி கிராமத்தில் உள்ள வாக்குச் சாவடியில் வாக்கை பதிவு செய்தாா். திமுக மாநில மருத்துவரணி இணைச் செயலாளரும், விழுப்புரம் தொகுதி வேட்பாளருமான இரா.லட்சுமணன் விழுப்புரம், மகாராஜபுரத்தில் உள்ள வாக்குச்சாவடியில் வாக்கை பதிவு செய்தாா். திமுக வடக்கு மாவட்டச் செயலரும் செஞ்சி வேட்பாளருமான மஸ்தான் செஞ்சியில் வாக்கை பதிவு செய்தாா்.
விடுதலைச் சிறுத்தைகள் கட்சி பொதுச் செயலரும் விழுப்புரம் மக்களவைத் தொகுதி உறுப்பினருமான துரை.ரவிக்குமாா் ஆரோவில் அருகே மொரட்டாண்டி பகுதியில் உள்ள வாக்குச்சாவடியில் வாக்களித்தாா். விடுதலைச் சிறுத்தைக் கட்சி பொதுச் செயலாளா் சிந்தனைச் செல்வன் விழுப்புரம் அருகே கோலியனூரில் உள்ள வாக்குச்சாவடியில் வாக்கை பதிவு செய்தாா்.