ஊரகப் பகுதிகளில் வளா்ச்சித் திட்டப் பணிகள் வெளிப்படைத் தன்மையுடன் இருக்க வேண்டும் என்று ஊராட்சி மன்றத் தலைவா்களுக்கு அமைச்சா் கே.எஸ். மஸ்தான் அறிவுறுத்தினாா்.
விழுப்புரம் மாவட்டம், மேல்மலையனூா் ஒன்றியத்துக்கு உள்பட்ட 55 ஊராட்சிகளைச் சோ்ந்த ஊராட்சி மன்றத் தலைவா்களுக்கான ஆலோசனைக் கூட்டம் அமைச்சா் கே.எஸ்.மஸ்தான் தலைமையில் செவ்வாய்க்கிழமை நடைபெற்றது.
கூட்டத்துக்கு மாவட்ட ஆட்சியா் த.மோகன் முன்னிலை வகித்தாா். ஊராட்சி ஒன்றியக் குழுத் தலைவா் கண்மணி நெடுஞ்செழியன் வரவேற்றாா்.
கூட்டத்தில் அமைச்சா் மஸ்தான் பேசுகையில், ஒமைக்காரன் தொற்று பரவி வருவதால், அனைவரும் தடுப்பூசி செலுத்திக் கொள்ள வேண்டும்.
ஊரக வேலைத் திட்டத்தில் முறைகேடுகளுக்கும் இடமளிக்காமல், பணியாளா்களுக்கு 100 நாள்கள் வேலைவாய்ப்பை வழங்கி, கிராம வளா்ச்சிப் பணிகளை தோ்வு செய்து பணியாளா்களுக்கு சரியான முறையில் ஊதியம் வழங்க வேண்டும்.
பிரதமரின் வீடு கட்டும் திட்டத்தில் தகுதியான பயனாளிகளை தோ்வு செய்யவேண்டும்.
பயனாளிகள் தோ்வு, ஊரகப் பகுதியில் மேற்கொள்ளப்படும் வளா்ச்சித் திட்டப் பணிகள் வெளிப்படைத் தன்மையுடன் இருக்க வேண்டும் . அரசின் திட்டங்களை பொதுமக்களுக்கு கொண்டு சோ்ப்பதில் உள்ளாட்சிப் பிரதிநிதிகளின் பங்கு மிக முக்கியமானது என்றாா்.