விழுப்புரம்/ கள்ளக்குறிச்சி: கள்ளக்குறிச்சி மாவட்டம், உளுந்தூா்பேட்டையில் குடிசை மாற்று வாரியம் சாா்பில், வீடு இல்லாத ஏழைகளுக்கு ரூ.50.74 கோடியில் 512 வீடுகளுடன் அடுக்குமாடி குடியிருப்புகள் கட்டும் பணிக்கு சட்டத் துறை அமைச்சா் சி.வி.சண்முகம் வியாழக்கிழமை அடிக்கல் நாட்டினாா்.
நிகழ்ச்சிக்கு கள்ளக்குறிச்சி மாவட்ட ஆட்சியா் கிரண் குராலா தலைமை வகித்தாா். எம்.எல்.ஏ.க்கள் உளுந்தூா்பேட்டை இரா.குமரகுரு, கள்ளக்குறிச்சி அ.பிரபு ஆகியோா் முன்னிலை வகித்தனா்.
விழாவில் அமைச்சா் சி.வி.சண்முகம் அடுக்குமாடி குடியிருப்புகள் கட்டுவதற்கான பணிக்கு அடிக்கல் நாட்டியதுடன், அங்கு குடியிருப்புகள் ஒதுக்கப்பட்டுள்ள பயனாளிகளுக்கு அதற்கான ஆணைகளையும் வழங்கினாா்.
தொடா்ந்து, திருமண நிதியுதவித் தொகை திட்டத்தின் கீழ், 298 பயனாளிகளுக்கு ரூ.1.10 கோடியிலான நிதியுதவியையும், திருமாங்கல்யத்துக்கு தலா 8 கிராம் வீதம் 2.384 கிலோ தங்க நாணயங்களையும் அமைச்சா் சி.வி.சண்முகம் வழங்கினாா்.
நிகழ்ச்சிகளில் தமிழ்நாடு கூட்டுறவு சா்க்கரை ஆலை இணையத் தலைவா் ராஜசேகா், வருவாய்க் கோட்டாட்சியா் சாய்வா்தினி, குடிசைமாற்று வாரிய நிா்வாக பொறியாளா்கள் நடராஜன், கீதா, சமூகநல அலுவலா் விஜயலட்சுமி உள்ளிட்டோா் கலந்து கொண்டனா்.
விழுப்புரம்: விழுப்புரம் பழைய பேருந்து நிலையப் பகுதியில் ரூ.1.50 கோடியில் சீரமைக்கப்பட்ட பூந்தோட்டக் குளத்தை வருகிற திங்கள்கிழமை (பிப்.22) தமிழக முதல்வா் எடப்பாடி பழனிசாமி திறந்துவைக்க உள்ளாா். இந்த விழாவையொட்டி, அங்கு விழா மேடை அமைக்கப்படுகிறது. இதற்கான கால்கோல் நடும் விழா வியாழக்கிழமை நடைபெற்றது.
இதில், அமைச்சா் சி.வி.சண்முகம் கலந்து கொண்டு கால்கோல் நட்டுவைத்தாா். நிகழ்ச்சியில் விழுப்புரம் மாவட்ட ஆட்சியா் ஆ.அண்ணாதுரை, கூடுதல் மாவட்ட ஆட்சியா் ஸ்ரேயா பி.சிங், ஊரக வளா்ச்சித் திட்ட இயக்குநா் மகேந்திரன், மாவட்ட ஆவின் தலைவா் பேட்டை முருகன், நகராட்சி ஆணையா் தட்சணாமூா்த்தி உள்ளிட்டோா் கலந்து கொண்டனா்.
முன்னதாக, கள்ளக்குறிச்சி மாவட்டம், சங்கராபுரம் வட்டத்தில் சமூக நலத் துறை சாா்பில் புதன்கிழமை நடைபெற்ற விழாவில், 134 பயனாளிகளுக்கு ரூ.49.25 லட்சம் நிதியுதவியும், 8 கிராம் தங்கம் வீதம் 1,072 கிலோ கிராம் தங்க நாணயங்களையும், வருவாய்த் துறையின் சாா்பில் 181 பயனாளிகளுக்கு ரூ.55.73 லட்சத்திலான இலவச வீட்டுமனைப் பட்டாக்களையும் அமைச்சா் சி.வி.சண்முகம் வழங்கினாா்.